Կաթնաշոռով չամիչով ջեռեփուկը մեզանից շատերը հիշում են մանկությունից: Առատորեն թթվասերով կամ խտացրած կաթով հագեցած այս թխուկն ավելի շատ համակրանք էր առաջացնում, քան ձանձրալի շիլան։ Երեխաները, այսինքն՝ մենք, մեծացանք, բայց սերը այդ ուտեստի նկատմամբ մնաց։
Բարեբախտաբար, այսօր դրա պատրաստման համար կարող ենք գտնել համեղ բարձրորակ կաթնաշոռ, որով ուտեստը անսովոր քնքուշ ու փարթամ է ստացվում։
Ուստի մեղք է չօգտվել ստեղծված իրավիճակից և սիրելիներին չմատուցել այս չամիչով քաղցրավենիքը, որի բուրմունքը բերում է այն ժամանակների ամենաջերմ հիշողությունները, երբ ծառերը մեծ էին, երկինքն՝ անամպ, իսկ կյանքն անհոգ:
Կաթնաշոռով չամիչով ջեռեփուկ. Անհրաժեշտ բաղադրիները
_Չամիչ 80 գր
_Կաթնաշոռ 9% 750 գր
_Կարագ 100 գր + մի քիչ ավել՝ կաղապարը քսելու համար
_Ձու 3 հատ
_Շաքարավազ 150 գր
_Աղ մի պտղունց
_Կաթ 100 մլ
_Սպիտակաձավար 150 + 30 գր ձևամանի մեջ ցանելու համար
Կաթնաշոռով չամիչով ջեռեփուկ. Պատրաստման եղանակը
_Լվացած չամիչի վրա լցնել տաք ջուր և թողնել 10 րոպե, որից հետո լցնել մաղի մեջ, հետո թղթե սրբիչով չորացնել։
_Կաթնաշոռը մաղել, կարագը կտրատել խորանարդներով և թողնել սենյակային ջերմաստիճանում 25-30 րոպե։
_Հարիչով հարել ձվերը շաքարավազի և աղի հետ, մինչև ստացվի համասեռ խտության փարթամ զանգված։
_Ավելացնել կաթնաշոռը և շարունակել հարել, լցնել կաթը, խառնել, ավելացնել փափկած կարագը և հարել միջին արագությամբ։
_Լցնել սպիտակաձավարը և խառնել, որպեսզի գնդիկներ չլինեն։
_Ավելացնել չամիչը, խառնել, թողնել սենյակային ջերմաստիճանում 10 րոպե, որպեսզի մի փոքր ուռչի։
_Մնացած յուղը քսել 20 սմ տրամագծով կլոր կամ 20 սմ կողմով քառակուսի ձևամանը և ցանել 30 գր սպիտակաձավար։
_Զգուշորեն թափահարել կաղապարը, այն թեքելով տարբեր ուղղություններով, որպեսզի սպիտակաձավարը հավասարաչափ բաշխվի, դատարկել ավելցուկը:
_Խմորը լցնել նախապատրաստված ձևամանի մեջ։
_Հավասարեցնել մակերեսը, թխել մոտ 45 րոպե 190°C ջերմաստիճանում, մինչև ոսկե դարչնագույնը:
_Թողնել մի փոքր սառչի, այնուհետև բաժանել մասերի։
Թխուկը կարելի է մատուցել սեղանին թանձր թթվասերի, խտացրած կաթի կամ ջեմի հետ։
Բարի ախորժակ:
Տեսանյութ
Կաթնաշոռով թխվածքաբլիթներ
