Կաթնաշոռով պանրիկներ. Մեր մանկության ամենահամեղ ու առողջ աղանդերը
Անցյալ դարի 30-ական թվականներին ԽՍՀՄ-ում առաջին անգամ կաթնաշոռային նախուտեստներ սկսեցին արտադրվել: Դրանց լայն տեսականի կարելի էր գնել արդեն 50-ականներին: Քաղցրավենիքը շատ էին սիրում երեխաները` վանիլի համի և շոկոլադե գլազուրի շնորհիվ: Սա չէր կարող չուրախացնել ծնողներին, ովքեր չէին կարողանում փոքրիկներին համոզել կաթնաշոռ ուտել:
Ցավոք, այժմ շատ արտադրողներ պատրաստում են նման քաղցրավենիք՝ կենդանական յուղի կեսը փոխարինելով բուսականով: Սարսափելի է նույնիսկ գրել այլ խառնուրդների մասին, որոնք օգտագործվում են ապրանքը ավելի երկար թարմ պահելու համար …
Հետևաբար, լավագույն ելքն է պատրաստել տնական կաթնաշոռային պանիր առանց կոնսերվանտների: Երեխաները ուրախ կլինեն դրանք վայելել, իսկ ծնողներն ավելի հանգիստ կլինեն:
Կաթնաշոռով պանրիկներ. Անհրաժեշտ բաղադրիչները
- Կաթնաշոռ 200 գ
- Կարագ 30 գ
- Սև շոկոլադ 80 գ
- Շաքարի փոշի 2 ճաշի գդալ
- Վանիլային շաքար 12 գ
Կաթնաշոռով պանրիկներ. Պատրաստման եղանակը
- Հալեցնել շոկոլադը ջրային բաղնիքում: Վրձինով քսել հալած շոկոլադը ձևամանի ներսում, կարող եք վերցնել ցանկացած հարմար ձևաման, օրինակ կարող եք վերցնել կեքսի ձևամաններ:
- Շոկոլադի շերտով պատված ձևամանը 5 րոպեով դրեք սառնարանում:
- Կաթնաշոռը տրորել շաքարի փոշիով, վանիլինով և փափկեցրած կարագով:
- Լցնել սառեցված շոկոլադի մեջ կաթնաշոռի զանգվածը: Վրայից ծածկել հալված շոկոլադով:
- Լավ սառչելու համար դնել սառնարանում:
Առողջ կաթնաշոռային նախուտեստներ առանց կոնսերվանտների և քիմիական հավելումների պատրաստ են: Կարող եք մատուցել դրանք թեյի կամ սուրճի հետ:
Նման աղանդեր կարելի է պատրաստել նաև միջուկով. ցուկատներ, ջեմ, ընկույզ, չոր մրգեր և այլն: Ազատորեն ստեղծագործեք պատրաստման գործընթացում:
Կաթնաշոռով պանրիկները պատրաստ են:
Բարի ախորժակ
Տեսանյութ
Նրբահամ աղանդեր
