Գիտեմ, որ շատերն ունեն կաթնաշոռով թխվածքի իրենց ֆիրմային բաղադրատոմսը, որը սերնդեսերունդ փոխանցվում է և սիրված է բոլոր տնային տնտեսուհիների կողմից:
Ոմանք կաթնաշոռով ջեռեփուկը պատրաստում են սպիտակաձավարով, ոմանք՝ մածունով, ավելացնելով չամիչ, չորացրած ծիրան, շոկոլադե կաթիլներ և այլն:
Մեր առաջարկած բաղադրատոմսի մեջ, կաթնաշոռով ջեռեփուկը պատրաստվում է առանց լցոնիչների, միայն կաթնաշոռով և մի փոքր սպիտակաձավարով:
Կաթնաշոռով ջեռեփուկ. Անհրաժեշտ բաղադրիչներ
_Կաթնաշոռ 5−9% — 0,5 կգ
_Կարագ — 1 տուփ (180 գ, ճարպի պարունակություն 82.5%)
_Ձու — 3 հատ
_Շաքարավազ — 150 գ
_Սպիտակաձավար — 100 գ
_Խմորի փխրեցուցիչ — 1 տուփ (10 գ)
_Վանիլին
_Աղ — 1 պտղունց
_Ձևաման
Կաթնաշոռով ջեռեփուկ. Պատրաստման եղանակը
_Բոլոր ապրանքները պետ է տաք լինեն: Խմոր պատրաստելու համար կարելի է օգտագործել խոհանոցային կոմբայն, կամ հարիչ, կամ ուղղակի գդաով խառնել, ինչպես հարմար է:
_Կտրատել կարագը փոքր խորանարդիկներով (թողեք 1 խորանարդ յուղելու համար) և խառնել շաքարի հետ, մինչև ստացվի յուղալի համասեռ վիճակ:
_Ձվերը մեկ առ մեկ ավելացնել՝ շարունակելով հարել: Արդյունքում զանգվածը պետք է դառնա ավելի ջրիկ և միատարր:
_Կաթնաշոռը պետք է հունցել պատառաքաղով առանձին ամանի մեջ: Հետո ավելացնել զանգվածին` 2-3 -ական գդալներ, անընդհատ խառնվելով:
_Խմորի փխրեցուցիչը խառնել սպիտաաձավարի հետ և լցնել ստացված կաթնաշոռի և ձվի զանգվածի մեջ:
_Ավելացնել վանիլին և աղ: Պետք է ստացվի չափավոր ջրիկ, մի փոքր մածուցիկ զանգված: Թողեք այն 40-45 րոպե, այնպես որ սպիտակաձավարը թեթևակի ուռչի:
_Ջեռոցը նախապես տաքացնել 180 C- ի վրա, խմորը լցնել ձևամանի բարձրության 2/3-ով, քանի որ խմորեղենը բարձրանում է: Ձևամանը նախապես յուղել և ցանել սպիտակաձավար, որպեսզի խմորեղենը թխելուց հետո ավելի հեշտ հանվի: Մակերեսը հավասարեցնել բահիկի միջոցով:
_Դնել ջեռոցում 40 րոպե: Պատրաստությունը որոշվում է ոսկեգույն կեղևով և ատամի չոփիկի օգնությամբ, որը պետք է չոր դուրս գա, առանց խմորի հետքերի, ամբողջական ընկղմվելուց հետո:
_Ավելի լավ է ջեռեփուկը դուրս բերել ձևամանից այն բանից հետո, երբ այն սառչի, զգուշորեն առանձնացնելով եզրերը բահիկով կամ դանակով, այնուհետև շրջել խոհանոցային տախտակի վրա:
Կաթնաշոռով ջեռեփուկը պատրաստ է: Դուք կարող եք մատուցել այն խտացրած կաթով, թթվասերով, ջեմով, կամ պաղպաղակով:
Բարի ախորժակ:
