Սովորական նախաճաշի փոխարեն կարող եք սիրելիների համար պատրաստել Կաթնաշոռով և մակարոնով ջեռեփուկ: Սա հիանալի աղանդեր է, բայց նաև հարմար է որպես հագեցնող նախաճաշ, նույնիսկ, երբ այն սառել է: Որքան մեծ է կաթնաշոռի համամասնությունը, այնքան հյութալի և հաճելի կլինի պատրաստի կերակուրը:
Չամիչից բացի, ցանկացած չորացրած պտուղ կարող է ավելացվել կաթնաշոռի զանգվածին, եթե դրանք մի քանի րոպե նախապես թրջվեն եռման ջրում: Կամ կարող եք ավելացնել թարմ խնձորի կտորներ` դարչինով և ընկույզի փշրանքներ: Դե, իսկ կարագը նպաստում է գայթակղիչ փխրուն կեղևի ստեղծմանը:
Անուշաբույր ջեռեփուկը, կտրված խոշոր խորանարդներով, կարելի է մատուցել թարմ թթվասերով, հարած սերուցքով և քաղցր սոուսով:
Կաթնաշոռով և մակարոնով ջեռեփուկ. Անհրաժեշտ բաղադրիչները
_Կաթնաշոռ — 300 գ
_Հավի ձու — 2 հատ
_Մակարոնեղեն — 100 գ
_Շաքարավազ — 1,5 ճաշի գդալ
_Աղ — 0.5 թեյի գդալ
_Կարագ — 20 գ
_Չամիչ — 50 գ
_Ցորենի ալյուր — 0.5 ճաշի գդալ
Կաթնաշոռով և մակարոնով ջեռեփուկ. Պատրաստման եղանակը
_Եփել մակարոն: Եթե ճաշից կամ ընթրիքից մնացել է խաշած մակարոնեղեն, ապա դա նույնպես հիանալի կլինի ջեռեփուկ պատրաստելու համար:
_Լցնել մակարոնը եռացող, աղ արած ջրի մեջ: Անմիջապես խառնել, որպեսզի դրանք չկպչեն հատակին: Թողնել եռա: Եռացնելուց հետո կրակը նվազեցնել և եփել 8-10 րոպե` ըստ փաթեթի ցուցումների: Մակարոնեղենը նետեք քամոցը և ողողեք տաք ջրով, որպեսզի չկպչեն իրար: Թողեք այն որոշ ժամանակ, որպեսզի ավելորդ ջուրը քամվի:
_Կաթնաշոռը լցնել խորը ամանի մեջ: Մեջը կոտրել հավի ձու: Բլենդերով հարել կաթնաշոռի խառնուրդը մինչև հարթվի: Եթե բլենդեր չունեք, տրորեք կաթնաշոռը բարակ ցանցով մաղի միջով, որպեսզի համասեռ լինի:
_Ավելացնել շաքարավազ և աղ: Բույրի համար կարող եք ավելացնել մի պտղունց վանիլին և խառնել:
_Ավելացնել խաշած մակարոնը, խառնել այնքան, մինչև այն լիովին ծածկվի կաթնաշոռի շերտով:
_Զանգվածի մեջ շաղ տալ չամիչ, խառնել: Եթե չամիչը փափուկ չէ, 5-7 րոպե թողնել եռացրած ջի մեջ: Այնուհետև ցամաքեցնել և չորացնել:
_Ջեռոցի խոր տապակը քսել մի փոքր կարագով և ցանել ալյուր: Ալյուրը շրջանաձև շարժումներով տարածեք ամբողջ տապակի վրա:
_Մակարոնեղեն-կաթնաշոռային զանգվածը տեղափոխել տապակի մեջ: Հարթեցնել բահիկով: Մնացած կարագը կտորներով դնել վրան:
_Ջեռոցը տաքացնել 180-190 աստիճան: Թխել 40-60 րոպե մինչև կարմրելը:
Կաթնաշոռով և մակարոնով ջեռեփուկը պատրաստ է: Սպասեք մինչև սառչի, կտրեք մասերով և մատուցեք մի բաժակ տաք թեյի կամ անուշաբույր սուրճի հետ: Ցանկության դեպքում վրան ցանել շաքարի փոշի:
Բարի ախորժակ: