Կաթնաշոռով և շոկոլադով տորթ. հեքիաթային համեղ այս աղանդերը հաճելիորեն կզարմացնի ձեր հյուրերին:
Կաթնաշոռով և շոկոլադով տորթ. Անհրաժեշտ բաղադրիչները
_Կաթնաշոռ 300 գր
_Կարագ 50 գր
_Ձու 2 հատ
_Շագանակագույն շաքարավազ 1 բաժակ
_Ալյուր 1,5 բաժակ
_Փխրեցուցիչ 1,5 թեյի գդալ
_Կակաոյի փոշի՝ ցանելու համար
Կրեմի համար
_Կաթնային կամ մուգ շոկոլադ 300 գր
_Կաթնաշոռ 100 գր
_Սերուցք 200 մլ
_Թթվասեր 150 գր
_Վանիլային շաքար 1 ճաշի գդալ
_Կակաոյի փոշի 1 ճաշի գդալ
Կաթնաշոռով և շոկոլադով տորթ. Պատրաստման եղանակը
_Խմորի համար կաթնաշոռը մաղով անցկացնել։ Ձվերը շաքարավազի հետ հարել՝ փրփրելու աստիճան, լցնել կաթնաշոռը, ամեն ինչ լավ հարել միասին։
_Ավելացնել փխրեցուցիչի հետ մաղած ալյուրը, արագ հարել, մինչև հարթվի և ավելացնել փափկած կարագը։
_Փափուկ խմոր հունցել, ծածկել թաղանթով, դնել սառնարանը 2 ժամ։
_Խմորը բաժանել 7 մասի, յուրաքանչյուրից գնդիկ ձևավորել, յուղաթղթի վրա գրտնակել 26-28 սմ տրամագծով շրջանաձև և առատորեն պատառաքաղով ծակծկել։
_Թխել 180°C տաքացրած ջեռոցում, մինչև ոսկե դարչնագույնը, մոտ 7 րոպե։
_Կրեմի համար կտորներով կոտրված շոկոլադը հալեցնել գոլորշու վրա կամ միկրոալիքային վառարանում, վերջում վանիլային շաքար ավելացնել։
_Կաթնաշոռը անցկացնել մաղի միջով։ Առանձին հարել սերուցքն ու թթվասերը, խառնել կաթնաշոռի հետ, ավելացնել մի փոքր սառեցրած շոկոլադը և մաղած կակաոյի փոշին, խառնել։
_Հավաքել տորթը, յուրաքանչյուր շերտին քսելով կրեմը։
_Սառնարանում պահել առնվազն 2 ժամ, մատուցելուց առաջ վրան ցանել կակաոյի փոշի։
Բարի ախորժակ:
Տեսանյութ
Կաթնաշոռով թխվածքաբլիթներ
