Ծովամթերքով աղցանների սիրահարներին կհիացնենք կալմարով աղցանի բաղադրատոմսով: Կարծում ենք, նույնիսկ կալմարների սիրահարներից քչերն են փորձել այն ընկույզով աղցանում։ Ցանկանու՞մ եք զարմացնել ձեր հյուրերին, ուրեմն ուշադրություն դարձրեք այս բաղադրատոմսին։
Ավելին, նույնիսկ սկսնակ տանտիրուհին կարող է այն պատրաստել:
Կալմարով աղցան. Անհրաժեշտ բաղադրիչները
_Կալմար — 300 գր
_Շամպինիոններ — 500 գր
_Կարտոֆիլ — 2-3 հատ
_Կոշտ պանիր — 200 գր
_Ընկույզ — 1 բաժակ
_Սխտոր — 1 պճեղ
_Մայոնեզ — 150 գր
_Աղ, պղպեղ, դափնու տերև
Կալմարով աղցան. Պատրաստման եղանակը
_Նախ, պետք է եփել կալմարը: Ջուրը եռացնել, աղ անել ըստ ճաշակի, գցել դափնու տերև և սև պղպեղի հատիկներ։ Եփել ոչ ավելի, քան 1-1,5 րոպե: Թողնել սառչի, հետո բարակ օղակներով կտրատել։
_ Այդ ընթացքում լվանալ սունկը և լցնել աղ արած ջրի մեջ, որպեսզի մոտ 5 րոպե եփվի: Սունկը նույնպես թողնել սառչի և կտրատել շերտերով։
_Կոշտ պանիրը գեղեցիկ տեսք կունենա աղցանի մեջ, եթե կտրատվի բարակ շերտերով։
_Ընկույզը պետք է մանրացնել միջին չափի փշուրների։ Հարմար է դա անել՝ ընկույզները մաքուր չոր շղարշով ծածկելով և գրտնակով մի քանի անգամ անցնելով դրանց վրայով։ Կարելի է նաև բլենդերով մանրացնել, բայց կարճ ժամանակ, բառացիորեն 2 վայրկյան, որ կտոր-կտոր մնան։
_Մայոնեզի մեջ ավելացնել ճզմած սխտորը, խառնել։
_Խառնել բաղադրիչները, աղցանը համեմել մայոնեզով։
_Մնում է աղցանը գեղեցիկ ձևավորել հարթ ափսեի վրա և զարդարել ըստ ձեր երևակայության:
Կալմարով աղցանը պատրաստ է:
Բարի ախորժակ:
