Ամենահամեղ թխվածքներից մեկը Կակաչի սերմերով կարկանդակն է, որը կարելի է պատրաստել այս բաղադրատոմսով։
Փափուկ և եթերային, հարուստ խմոր՝ համակցված քաղցր, կակաչի սերմի միջուկով:
Կակաչի սերմերով կարկանդակ. Անհրաժեշտ բաղադրիչները
_Կաթ 125 մլ
_Թարմ խմորիչ 12 գր կամ չոր 4 գր
_Շաքարավազ 2 ճաշի գդալ
_Վանիլին ըստ ճաշակի
_Մի պտղունց աղ
_Ձու 1 հատ
_Դեղնուց 1 հատ
_Կարագ 70 գր
_Ալյուր մոտ 320 գր
Կակաչի սերմերով լցոնման համար
_Կակաչի սերմեր 10 գր
_Շաքարավազ 10 գր
_Սպիտակաձավար 0,5 ճաշի գդալ
_Վանիլին ըստ ճաշակի
_Կաթ 150 մլ
_Կարագ 40 գր
Օշարակի համար
_Շաքարավազ 50 գր
_Ջուր 50 գր
Կակաչի սերմերով կարկանդակ. Պատրաստման եղանակը
_Խմորիչը խառնել տաք կաթի, շաքարավազի և մի քիչ ալյուրի հետ, թողնել 10 րոպե։
_Փափկած կարագը հարել ձվի, դեղնուցի, աղի, վանիլինի, շաքարավազի հետ և հարել հարիչով։
_Խմորիչով ու կարագով հարած զանգվածը խառնել։
_Ալյուրը մաղել և մաս-մաս լցնել, ստանալ փափուկ, ոչ կպչուն խմոր։
_Ծածկել և թողնել տաք տեղում 1,5 ժամ։
_Կակաչի սերմերը մանրացնել, խառնել սպիտակաձավարի, շաքարավազի հետ և ցանկության դեպքում ավելացնել վանիլին, կաթը ավելացնել։
_Եփել մարմանդ կրակի վրա 15 րոպե և թողնել սառչի։
_Խմորը շերտով գրտնակել, միջուկը քսել ամբողջ մակերեսին և փաթաթել։
_Կտրատել մասերով:
_Ձևամանը յուղել յուղով և կտրատած ռուլետիկները շարել երիցուկի տեսքով։ Ծածկել և թողնել 1 ժամ։
_Քսել հարած ձու, թխել 190 աստիճան ջերմաստիճանում մոտ 30-35 րոպե։
_Եփել օշարակ շաքարավազով և սառը ջրով:
_Տաք կարկանդակին օշարակ քսել և թողնել, որ սառչի։
Ահա այսպիսի եթերային, բուրավետ և նուրբ, չափերով բաժանվող քաղցրավենիք կհյուրասիրեք ձեր ընկերներին:
Բարի ախորժակ:
Տեսանյութ
Սիննաբոն բուլկիներ հատուկ բաղադրատոմսով
