Կակաչի սերմերով ռուլետն իրականում խոհարարական գլուխգործոց է, այն անհավատալի համեղ է ստացվում:
Ամեն ինչը հիանալի է, խմորի նուրբ համ, կակաչ-ընկույզի լցոնումը լավ է համադրվում այս բաղադրատոմսում: Դուք չեք գտնի ավելի լավ խմորեղեն, պատրաստեք և համոզվեք:
Կակաչի սերմերով ռուլետ. Անհրաժեշտ բաադրիչներ
_Տաք կաթ 250 մլ
_Շաքարավազ 4 ճաշի գդալ
_Ձու 1 հատ
_Արևածաղկի յուղ 60 մլ
_Աղ 0,5 թեյի գդալ
_Հում խմորիչ 20 գ
_Ալյուր 550-600 գ
Ընկույզի լցոն
_Ընկույզ 100 գ
_Ձվի սպիտակուց 1 հատ
_Շաքարավազ 3 ճաշի գդալ
Կակաչի լցոն
_Կաթ 60 մլ
_Շաքարավազ 3 ճաշի գդալ
_Կակաչի սերմ 100 գ
Քսելու համար
_Ձվի դեղնուց 1 հատ
_Կաթ 1 թեյի գդալ
_Շաքարավազ 1 թեյի գդալ
Կակաչի սերմերով ռուլետ. Բաղադրատոմսը
_Լցնել տաք կաթը խորը ամանի մեջ, ավելացնել շաքարավազը, կոտրել ձուն, ավելացնել աղ և խմորիչ: Լցնել արևածաղկի յուղը և ամեն ինչ մանրակրկիտ խառնել խառնիչով:
_Այժմ ալյուրը մաղել և ավելացնել խմորին, հունցեք միատարր, փափուկ խմոր, որը չի կպչում ձեռքերին: Խմորը թողնել 30-40 րոպե տաք տեղում:
_Այժմ պետք է պատրաստել լցոնները.
_Կաթսայի մեջ խառնել կաթը, շաքարավազը, կակաչի սերմերը: Կաթսան դնել վառարանի վրա և եփել մինչև խտանա: Սա կլինի կակաչի լցոնը:
_Ընկույզի լցոնի համար խառնել ձվի սպիտակուցը, ընկույզը և շաքարը:
_Այժմ վերցնել խմորը և բաժանել այն 2 հավասար մասի: Յուրաքանչյուր մասը գրտնակել շրջանաձև 1 սմ հաստությամբ:
_Ընկույզով լցոնը հավասարաչափ տարածել ամբողջ մակերեսի վրա և ոլորել ռուլետի նման: Նույն քայլերն անել կակաչի լցոնի դեպքում` խմորի մյուս մասը գրտնակել շրջանաձև և հավասարաչափ տարածել լցոնը, այնուհետև ոլորել ռուլետը:
_Այժմ երկու ռուլետները փաթաթել իրար հյուսքի նման, դնել յուղաթղթով ծածկված ջեռոցի տապակի վրա, սուր դանակով, կամ ածելիով գլանիկների վրա երկայնական կտրվածքներ անել և 20 րոպե թողնել կպչուն թաղանթի տակ:
_Խմորի վրա քսել դեղնուցի, կաթի և շաքարի խառնուրդը, 40 րոպե դնել 180-200 աստիճանի տաքացրած ջեռոցում:
Ստացվում է իսկական հրաշք՝ հետաքրքիր և յուրօրինակ խմորեղեն: Տարբեր լցոնումները հիանալի լրացնում են միմյանց և ներդաշնակ են խմորի հետ:
Կակաչի սերմերով ռուլետը պատրաստ է:
Բարի ախորժակ:
Տեսանյութ
Կրաֆին Սիննաբոն ԿՈՒԼԻՉ ․ Բոլորը մեկում Համեղ, Պարզ և Տոնական