Կարամելային տորթ. Անուշաբույր քաղցրավենիք

Այս տնական, հարմարավետ և համեղ կարամելային տորթի հիմքի համար կարող եք օգտագործել կաթնաբույր կամ փխրուն, ընկույզով թխվածքաբլիթներ:

Կարևորն է, որ դրանք լինեն շատ որակյալ, իսկ դուք պատրաստեք սիրով:

Կարամելային տորթ. Անհրաժեշտ բաղադրիչները

_Փխրուն կարամելային թխվածքաբլիթներ 150 գր

_Ընկույզ 1/2 բաժակ

_Շագանակագույն շաքարավազ 1/2 բաժակ

_Կարագ 3 ճաշի գդալ (գումարած կարագը կաղապարը յուղելու համար)

_Հարած սերուցք՝ մատուցելու համար

Ջնարակի համար

_Կարագ 1,5-2 թեյի գդալ

_Շագանակագույն շաքարավազ 1 ճաշի գդալ

_Վանիլային շաքար 1/2 թ/գդ

Լցոնի համար

_Կաթնաշոռ 600 գր

_Սերուցքային պանիր 120 գր

_Ձու 2 հատ

_Սերուցք 33-35% յուղայնության 6 ճաշի գդալ

_Սերուցք 10% յուղայնության 6 ճաշի գդալ

_Շագանակագույն շաքարավազ 1 բաժակ

_Կարտոֆիլի օսլա 1 ճաշի գդալ

_Կես կիտրոնի հյութ

Կարամելային տորթ. Պատրաստման եղանակը

_Հիմքի համար թխվածքաբլիթները մանրացնել։ Ընկույզները մանր կտրատել։

_Թխվածքաբլիթի փշրանքները խառնել շաքարավազի և ընկույզի հետ, ավելացնել հալեցրած և մի փոքր սառած կարագը, խառնել և ստացված զանգվածը լցնել 22-24 սմ տրամագծով, յուղած կլոր բացվող ձևամանի մեջ՝ ձեռքերով զանգվածը ներքև և կողքեր սեղմելով, և 1 ժամով դնել սառնարանը։

_Միջուկի համար կաթնաշոռը անցկացնել մաղի միջով և հարել բլենդերով կամ հարիչով մնացած բոլոր բաղադրիչների հետ, մինչև հարթվի։

_Միջուկը լցնել կաղապարի մեջ պատրաստված հիմքի վրա և թխել նախապես մինչև 200°C տաքացրած ջեռոցում մոտ 25 րոպե: Կենտրոնում միջուկը պետք է խոնավ լինի։

_Տորթը հանել ջեռոցից և թողնել սառչի սենյակային ջերմաստիճանում 1,5 ժամ, այնուհետև 6 ժամով դնել սառնարանը։

_Ջնարակի համար կարագը, շաքարավազը, վանիլային շաքարավազը, 2 թեյի գդալ ջուրը փոքր կաթսայի մեջ բերել եռման աստիճանի։

_Եփել 1-2 րոպե անընդհատ խառնելով։

Թեթևակի սառեցնել և սառած տորթը ծածկել ջնարակով։

Մատուցեք հարած սերուցքով։

Բարի ախորժակ:

Տեսանյութ

Տորթ առանց ջեռոցի