Սիրելիներին հյուրասիրելու համար պատրաստեք այս բերանում հալչող, նուրբ ու թարմ համով կարկանդակ Կիտրոն:
Այստեղ կիտրոնն առկա է ամենուր և՛ խմորի մեջ, և՛ միջուկի, և՛ ջնարակի մեջ:
Կարկանդակ Կիտրոն. Անհրաժեշտ բաղադրիչները
_Կարագ 180 գր
_Ալյուր 175 գր
_Ձու 2 հատ
_Շաքարավազ 180 գր
_Փխրեցուցիչ 1 թեյի գդալ
_Կիտրոնի հյութ 1 ճաշի գդալ
_Կիտրոնի քերուկ 1 հատ
Կրեմի համար
_Կիտրոնի կեղևի քերուկ 1 հատ
_Կիտրոնի հյութ 1 հատ
_Շաքարավազ 75 գր
_Ձու 2 հատ
_Կարագ 50 գր
Ջնարակի համար
_Շաքարի փոշի 100 գր
_Կիտրոնի հյութ 3-4 թեյի գդալ
Կարկանդակ Կիտրոն. Պատրաստման եղանակը
_Խմորի համար փափուկ կարագը հարել շաքարավազի հետ, ավելացնել ձուն, շարունակել հարել։
_Ավելացնել մաղած ալյուրը և խառնել փխրեցուցիչի հետ։ Ավելացնել նաև քերուկը և հյութը, լավ խառնել։
_Ձևամանը (20-24 սմ) ծածկել յուղաթղթով և յուղ քսել։
_Խմորը հավասարաչափ տարածել և ձևամանը մի քանի անգամ պտտել ժամացույցի սլաքի ուղղությամբ, որ հարթվի:
_Թխել նախապես 180 աստիճան տաքացրած ջեռոցում 35-40 րոպե։
_Պատրաստի թխվածքաբլիթը հանել կաղապարից, հեռացնել թուղթը և թողնել, որ սառչի մետաղական ցանցի վրա։
Կրեմի համար
_Ձվերը հարել կիտրոնի հյութով։ Ավելացնել շաքարավազը, կարագը և համեմունքը:
_Այս զանգվածով կաթսան դնել գոլորշու վրա և շարունակել անընդհատ խառնել, մինչև թանձրանա։ Կրեմը վերցնել գոլորշու վրայից և թողնել սառչի։
_Սառած բիսկվիթը կտրատել 2-3 շերտի: Դրանց քանակը կախված է ձեր ձևամանի չափից:
_Բոլոր շերտերին քսել կիտրոնի կրեմ, բացի վերևինից:
Ջնարակի համար
_Շաքարի փոշին մաղել և վրան ավելացնել մի քիչ կիտրոնի հյութ՝ ջնարակը (գլազուրը) հասցնելով ցանկալի խտության, լցնել տորթի վրա, թողնել չորանա։
Բարի ախորժակ:
Տեսանյութ
Թափանցիկ Լիմոնով տորթ
