Կարկանդակ շոկոլադով և ընկույզով. Ուզում ենք ձեզ հետ կիսվել արագ պատրաստվող շոկոլադահամ, ընկույզով ու թեթև շերտավոր խմորով չքնաղ համովություն ստանալու եղանակը: Ներսում շոկոլադ է, իսկ վրայից՝ գեղեցիկ զարդարված է ընկույզով:
Կարկանդակ շոկոլադով և ընկույզով մատուցեք ցանկացած առիթի համար, և տարբեր տեսակի ընկույզների ու շոկոլադի օգնությամբ հեշտությամբ կարող եք փոխել համը: Հիմա կպատմենք, թե ինչպես կարելի է պատրաստել:
Կարկանդակ շոկոլադով և ընկույզով. Անհրաժեշտ բաղադրիչներ
_Խմորիչով շերտավոր խմոր 0,5 կգ (1 փաթեթ` 2 շերտ)
_Շոկոլադ — 200 գ (2 սալիկ)
_Ընկույզ — 4 ճաշի գդալ
_Ձու — 1 հատ
_Դարչին — 0,5 թեյի գդալ
_Ալյուր — մի քիչ
_Յուղաթուղթ — 2 թերթ
Կարկանդակ շոկոլադով և ընկույզով. Ինչպես պատրաստել
_Սկզբում նախապատրաստել այն ամենն ինչ ձեզ հարկավոր է: Շերտավոր խմորը պետք է նախապես հանել, որ այն լինի սենյակային ջերմաստիճանի (30-40 րոպե): Պետք է նախապես պատրաստել ընկույզը, դրանք դանակով կտրատել ոչ շատ մանր, այնուհետև 5-7 րոպե տապակի մեջ մի փոքր բովել՝ ժամանակ առ ժամանակ խառնելով միջին կրակի վրա:
_Ջեռոցի տապակները պետք է ծածկել յուղաթղթով: Խորհուրդ է տրվում տալիս օգտագործել յուրաքանչյուր կարկանդակի համար առանձին տապակ, որ հարմար լինի:
_Վերցնել շերտավոր խմորի մի շերտ, ցանել տախտակի վրա ալյուր, գրտնակը նույնպես ալյուրոտել: Խմորի վրա մի փոքր ալյուր ցանել և սկսել գրտնակել: Խմորի բացելու համար չափորոշիչը կլինի շոկոլադե սալիկը, որը պետք է դնել խմորի մեջտեղում: Խմորը պետք է շոկոլադի կողքերից յուրաքանչյուր կողմում երկար լինի մոտ 4 սմ-ից աջ և ձախ:
_Խմորը գրտնակելուց հետո, դրա վրա դնել շոկոլադե սալիկը: Այնուհետև «հյուսք» անելու համար պետք է դանակով կտրվածքներ անել 40–45º անկյան տակ, յուրաքանչյուր կողմում՝ 1,5–2 սմ հեռավորության վրա:
_Արդյունքում ստացված շերտիկները հերթով իրար վրա բերելով` ծածկել շոկոլադը, պետք է ստուգել, որ ոչ մի կողմում շոկոլադի բաց մասեր չլինեն, որպեսզի թխվելու ընթացքում շոկոլադը չթափվի:
_Հարել ձուն պատառաքաղով, մինչև փրփուր հայտնվի: Խոհարարական վրձինով քսել հարած ձուն հյուսած խմորի վրա: Վրան շաղ տալ դարչին և ընկույզ:
_Ջեռոցը նախապես տաքացնել 190 °C ջերմաստիճանով: Բահիկի օգնությամբ հյուսքերը դնել տապակի վրա և թխել 35-40 րոպե: Նույնը կրկնել խմորի երկրորդ շերտի և շոկոլադե սալիկի համար: Կարող եք թխել հյուսները միևնույն ժամանակ` ջեռոցի տարբեր մակարդակներում:
Պատրաստի քաղցրավենիքը հանել և թողնել, որ սառչի: Մատուցելու համար կտրատել 3-4 սմ կտորներով:
Կարկանդակը շոկոլադով և ընկույզով պատրաստ է:
Բարի ախորժակ:
