Կեֆիրով թխվածքաբլիթ. Շատ համեղ և պարզ աղանդեր
Եթե ցանկանում եք տնական խմորեղեն պատրաստել, ապա այս պարզ բաղադրատոմսը ձեզ շատ կօգնի: Արագ և համեղ աղանդերի հիանալի տարբերակ են կեֆիրով բլիթները: Խմորի պատրաստման գործընթացը տևում է ընդամենը մի քանի րոպե: Բացի այդ, բաղադրիչներն այնքան պարզ են, որ կարելի է գտնել յուրաքանչյուր խոհանոցում:
Հյուրասիրությունը կարելի է զարդարել կակաչի սերմերով և շաքարի փոշիով կամ ըստ ճաշակի: Կեֆիրով բլիթները արագ, փափուկ և շատ համեղ են ստացվում և անմիջապես անհետանում են սեղանից: Թխեք և ինքներդ համոզվեք:
Կեֆիրով թխվածքաբլիթ. Անհրաժեշտ բաղադրիչները
_Ցորենի ալյուր 2.5 բաժակ
_Աղ 1 պտղունց
_Սոդա 0.5 ճաշի գդալ
_Արևածաղկի ձեթ 0.5 բաժակ
_Ձու 1 հատ
_Կեֆիր 0.5 բաժակ
_Շաքարավազ 0.5 բաժակ
_Կակաչի սերմ 1 ճաշի գդալ
_Շաքարի փոշի` ըստ ճաշակի
Կեֆիրով թխվածքաբլիթ. Պատրաստման եղանակը
_Մաղած ալյուրը խառնել աղի և սոդայի հետ: Լցնել արևածաղկի ձեթը և մանրակրկիտ խառնել:
_Զանգվածին ավելացնել ձուն, կեֆիրը և շաքարը: Խառնել պատառաքաղով:
_Խմորը դնել թեթևակի ալյուրապատ մակերեսի վրա և շարունակել հունցել ձեռքերով:
_Պատրաստի խմորը պետք է լինի փափուկ, առաձգական և չկպչի ձեռքերին:
_Խմորը գրտնակել 5 մմ հաստությամբ: Կտրել թխվածքաբլիթները ձևերով կամ բաժակով:
_Շարել թխվածքաբլիթները յուղաթղթով պատված ջեռոցի տապակի վրա, վրան շաղ տալ կակաչի սերմեր և շաքարի փոշի:
_Կեֆիրով թխվածքները թխել մինչև 180 աստիճան տաքացրած ջեռոցում՝ 15 րոպե:
Այս բաղադրատոմսի համաձայն արագ պատրաստվող կեֆիրով բլիթները կարելի է թխել թեկուզ ամեն օր: Հյուրասիրեք ձեր մտերիմներին համեղ խմորեղենով:
Բարի ախորժակ:
Տեսանյութ
Մեղրով շատ համեղ և նրբահամ թխվածքաբլիթներ