Կիվիով աղցան. Պայծառ աղցան՝ նուրբ համով և հաճելի տեսքով

Մենք առաջարկում ենք, որ սեղանը զարդարեք հավով և Կիվիով աղցանով ՝ այն ձեզ կուրախացնի ինչպես նուրբ համով, այնպես էլ էլեգանտ տեսքով: Եվ եթե դուք օգտագործում եք տնական մայոնեզ, ապա այն նաև թեթև կլինի:

Աղցան մատուցելու համար ձեզ հարկավոր են տարբեր տրամագծի երկու խոհարարական օղակներ: Այդ նպատակով դուք կարող եք կտրել խմելու ջրի պլաստիկե շիշ և վերցնել թխվածքի բացվող ձևաման:

Կիվիով աղցան. Անհրաժեշտ բաղադրիչները

_Հավի կրծքամիս 300 գ

_Կոշտ պանիր 150 գ

_Ձու 4 հատ

_Գազար 1 հատ

_Կիվի 2 հատ

_Եգիպտացորեն 100 գ

_Մայոնեզ 3 ճաշի գդալ

_Աղ` ըստ ճաշակի

Կիվիով աղցան. Պատրաստման եղանակը

_Կրծքամիսը խաշել, սառեցնել, կտրել փոքր խորանարդիկներով:

_Պինդ խաշել ձվերը, սառը ջրով ողողել, չորացնել, կեղևահան անել և մանր քերել:

_Պանիրը մանր քերել:

_Լվանալ գազարը, խաշել մինչև փափկի, կեղևազերծել, սառեցնել, մանր քերել:

_Ամանի վրա դնել աղցանի մեծ օղակ, դրա ներսում դնել ավելի փոքր օղակ: Լցնել մթերքները շերտերով, յուրաքանչյուրի վրա թեթևակի քսելով մայոնեզ:

_Սկզբում լցնել ձուն, ապա կրծքամիսը, հետո գազարը և պանիրը:

_Զգուշորեն հեռացնել օղակները: Եգիպտացորենը քամել, մաքրած կիվին շերտերով կտրել:

_Զարդարել պատրաստի աղցանն ըստ ճաշակի:

Կիվիով աղցանը պատրաստ է:

Բարի ախորժակ

Տեսանյութ

Համեղ աղցան