Կիվիով կարկանդակ. Անուշահամ աղանդեր ընթրիքին

Պատրաստի շերտավոր խմորով կիվիով կարկանդակ թխելը պարզ է, հարմար և շատ արագ։

Միակ բանը, որ պետք է ունենաք՝ լցոնների բավարար պաշարն է, որպեսզի չձանձրանաք այս քաղցրավենիքներից։

Կարծում ենք, որ կիվիով կարկանդակը ձվի և թթվասերի քաղցր միջուկով հիանալի տարբերակ է։

Կիվիով կարկանդակ. Անհրաժեշտ բաղադրիչները

_Խմորիչով շերտավոր խմոր 250 գր

_Կարագ՝ կաղապարը յուղելու համար

_Ձու 4 հատ

_Թթվասեր 250 գր

_Շաքարավազ 150 գր

_Օղի 40 մլ

_Կիվի 6 հատ

_Ծիրանի ջեմ 2 ճաշի գդալ

_Շաքարի փոշի 2 ճաշի գդալ

Կիվիով կարկանդակ. Պատրաստման եղանակը

_Խմորը բարակ գրտնակել, դնել 26 սմ տրամագծով, կարագով յուղված ջեռոցի տապակի մեջ, այնպես, որ հատակն ու կողքերը ծածկվեն։ Ավելորդ խմորը զգուշորեն կտրել։

_Խմորի վրա յուղաթուղթ փռել, լցնել չոր լոբի, որպեսզի խմորը չբարձրանա։

_Դնել նախապես 200°C տաքացրած ջեռոցում 15 րոպեով։

_Ձուն հարել թթվասերի, շաքարավազի և օղու հետ։

_Կիվին մաքրել, կտրատել 0,5 սմ հաստությամբ շրջանակներով։

_Կարկանդակի հիմքը հանել ջեռոցից, դատարկել լոբին և հեռացնել յուղաթուղթը։

_Թողնել մի փոքր սառչի, ապա մակերեսի քսել ծիրանի ջեմ։

_Մի կողմ թողնել կիվիի 10-12 շերտ։

_Մնացածը տարածել կարկանդակի վրա, լցնել ձվային-թթվասերով խառնուրդը։

_Ջեռոցի ջերմաստիճանը իջեցնել մինչև 180°C և կաղապարը դնել մեջ 20 րոպե։

_Կարկանդակի վրա շարել կիվիի առանձնացվաած շրջանակները, ցանել շաքարի փոշի։

_Վերադարձնել ջեռոցը ևս 5 րոպեով։

Բարի ախորժակ:

Տեսանյութ

Պարզ ռուլետ