Կիտրոնով թխվածքաբլիթներ. Նախաճաշի թեյի նուրբ հավելում

Բոլորս էլ սիրում ենք հաճելի թեյ խմել, առաջարկում ենք դրա հետ մատուցել Կիտրոնով թխվածքաբլիթներ:

Դրանք կարող են լինել և՛ թեյի հավելում, և՛ հիանալի աղանդեր: Խմորի մեջ կարող եք ավելացնել ընկույզ, և կտրատած շոկոլադ, իսկ մասերից մեկը ներկել ճակնդեղի հյութով։

Կիտրոնով թխվածքաբլիթներ. Անհրաժեշտ բաղադրիչները

_Կարագ 225 գր

_Շաքարավազ 150 գր

_Ձու 3 հատ

_Կես կիտրոնի քերուկ և հյութ

_Ալյուր 480 գր

_Սոդա 0,3 թեյի գդալ

_Կակաոյի փոշի 1 ճաշի գդալ

 

 

Կիտրոնով թխվածքաբլիթներ. Պատրաստման եղանակը

_Կարագը մանր կտրատել, խառնել շաքարավազի և ձվի հետ, հարել, մինչև համասեռ զանգված լինի։

_Ավելացնել քերուկը և կիտրոնի հյութը։

_Ավելացնել մաղած ալյուրն ու սոդան, ձեռքերով արագ հունցել հարթ խմոր:

_Բաժանել այն երկու մասի և մի կեսին խառնել կակաոն:

_Երկու մասերը փաթաթել թաղանթի մեջ և դնել սառնարանում 15-20 րոպե։

_Խմորի յուրաքանչյուր մասը գրտնակել 5-6 մմ հաստությամբ շերտով։

_Կրկին պահել 5-7 րոպե սառնարանում:

_Հանել սառնարանից և սպիտակ շերտի վրա հարած ձու քսել։

_Վրան դնել շոկոլադե շերտը և սեղմել ձեռքերով։

_Ձևավորել ամուր ռուլետ, կտրատել կլոր շերտերով։

_Ցանկության դեպքում դրանք կարելի է նաև կիսել մեջտեղից։

_Դնել յուղաթղթով ծածկված ջեռոցի տապակի մեջ։

_Թխվածքաբլիթների վրա քսել հարած ձու և թխել 220°C ջերմաստիճանում 15 րոպե։

Բարի ախորժակ:

Տեսանյութ

Սիննաբոն բուլկիներ