Մենք չգիտենք, արդյո՞ք այս Կիտրոնով թխվածքաբլիթը կարելի է անվանել թխվածքաբլիթ: Ավելի շուտ, սրանք փափուկ, կիտրոնի համի և կակաչի սերմերի բույրի շնորհիվ ավելի շատ նման են մեղրաբլիթի:
Այս թխվածքը կատարյալ է ցերեկային խորտիկի համար՝ մի բաժակ սոյայի կաթով երեխաների համար կամ մի բաժակ սուրճի հետ՝ նրանց ծնողների համար:
Կիտրոնով թխվածքաբլիթ. Անհրաժեշտ բաղադրիչները
_Ալյուր 3 բաժակ
_Շագանակագույն շաքարավազ 1,5 բաժակ
_Ընկույզի կարագ 4–5 ճաշի գդալ
_Խոշոր կիտրոնի հյութ և քերուկ 2 հատ
_Կակաչի սերմեր 3–4 ճաշի գդալ
_Փխրեցուցիչ 1 թեյի գդալ
_Աղ՝ ցանկության դեպքում մի պտղունց
_Բուսական յուղ՝ քսելու համար
Կիտրոնով թխվածքաբլիթ. Պատրաստման եղանակը
_Մաղել ալյուրը ամանի մեջ՝ փխրեցուցիչի և աղի հետ միասին։
_Ավելացնել շաքարավազն ու մանրացված քերուկը, խառնել։
_Փոքր ամանի մեջ խառնել 1 բաժակ տաք ջուրը, կիտրոնի հյութը և ձեթը։
_Ստացված զանգվածն ավելացնել ալյուրի ամանի մեջ և մանրակրկիտ խառնել, որպեսզի գնդիկներ չմնան։
_Կակաչի սերմերը 5 րոպե լցնել եռման ջրի մեջ, հետո լցնել մաղի մեջ, թափահարել ավելորդ ջուրը և թեթևակի տրորել դրանք հավանգով և ավելացնել խմորին։
_Մոտավորապես 20×30 սմ չափսի ուղղանկյուն ձևամանը յուղով քսել, լցնել խմորը և դնել նախապես 160 °C տաքացրած ջեռոցում։
_Թխել մինչև պատրաստ լինի, այսինքն ամանի կենտրոնում մտցված լուցկու հատիկը չոր դուրս գա, մոտ 25 րոպե:
_Կտրել մասերով, սառեցնել կամ մատուցել տաք վիճակում։
Բարի ախորժակ:
Տեսանյութ
Մեղրով շատ համեղ և նրբահամ թխվածքաբլիթ