Համեղ աղցան. Այն ամենից ինչ կա սառնարանում

Այս Համեղ աղցանի մեջ ամեն ինչ կատարյալ է՝ պարզ մթերքներ, հեշտ պատրաստվող, ախորժելի տեսք: Բացառապես բոլորին այն դուր է գալիս:

Կրծքամիսը կարելի է եփել, բայց աղցանն ավելի հետաքրքիր կստացվի, եթե վերցնենք ապխտած կամ խորոված միս: Հաշվի առեք, որ օգտագործվող պանրի տեսակը նույնպես ազդում է ուտեստի համի վրա:

Լցոնման համար վերցրեք 15% յուղայնությամբ թթվասեր, այն իդեալական կլինի:

Համեղ աղցան. Անհրաժեշտ բաղադրիչները

_Հավի կրծքամիս 300 գ

_Շամպինիոն 150 գ

_Սոխ 1 հատ

_Ձու 3 հատ

_Թթու վարունգ 1 հատ

_Կոշտ պանիր 150 գ

_Թթվասեր 2 ճաշի գդալ

_Կանաչիներ` ըստ ճաշակի

_Կարմիր պղպեղ (աղացած) 1 պտղունց

_Սև պղպեղ (աղացած) 1 պտղունց

_Աղ` ըստ ճաշակի

_Արևածաղկի ձեթ 1 ճաշի գդալ

_Ոլոռ 300 գ

Համեղ աղցան. Պատրաստման եղանակը

_Աղցանի համար մանր կտրատել սոխը և սունկը: Տապակել արևածաղկի ձեթով:

_Վարունգը, հավի փափկամիսը և ձվերը կտրել խորանարդաձև:

_Կանաչիները մանրացնել, պանիրը քերել խոշոր անցքերով քերիչով, բոլոր բաղադրիչները լցնել խորը ամանի մեջ, համեմել թթվասերով, սև պղպեղով և աղով, լավ խառնել:

Հավաքույթների ժամանակ մատուցելու համար աղցանը կարելի է ձևավորել հարթ ափսեի վրա շերտերով՝ Հավ, տապակած սունկ, ոլոռ, ձու, վարունգ, քերած պանիր:

Յուրաքանչյուր շերտի վրա քսել թթվասեր (այս դեպքում ավելի շատ թթվասեր կպահանջվի):

Համեղ աղցանը պատրաստ է:

Բարի ախորժակ:

Տեսանյութ

Հավի կրծքամսով աղցան