Հավով և չորահացով աղցան. Հաճելի ու հագեցնող ուտեստ
Եթե ցանկանում եք ճաշել, բայց ոչ շատ յուղալի ուտեստներով, ապա շատ օգտակար կլինի մսով և քրուտոններով աղցան: Սա կհավանեն հատկապես նրանք, ովքեր չեն սիրում կես ժամից ավելի ծախսել ճաշ պատրաստելու վրա: Իսկ այս ուտեստի դեպքում ձեզ հարկավոր է մոտ 20 րոպե: Այս աղցանի հետ ոչ հաց է պահանջվում, ոչ էլ հիմնական կերակուր. Այն բացարձակապես ինքնաբավ է:
Դուք կարող եք օգտագործել պատրաստ չորահացեր կամ պատրաստեք հացամթերքի հնացած կեղևից:
Հավով և չորահացով աղցան. Անհրաժեշտ բաղադրիչները
- Չորահաց 250 գ
- Վարունգ 2 հատ
- Լոլիկ 2 հատ
- Հավի կրծքամիս 550 գ
- Մայոնեզ 60 գ
- Սխտոր 3 պճեղ
- Արևածաղկի ձեթ 20 մլ
- Աղ՝ ըստ ճաշակի
- Սև պղպեղ (աղացած)՝ ըստ ճաշակի
Հավով և չորահացով աղցան. Պատրաստման եղանակը
- Լվանալ լոլիկն ու վարունգը և կտրել դրանք ոչ շատ մեծ խորանարդներով:
- Հավի կրծքամիսը մանր կտորներով կտրել և տաք թավայի մեջ տապակել կարագով մինչև եփվի:
- Դրանից հետո մսին խառնել սխտոր, աղ, պղպեղ և մի գդալ մայոնեզ:
- Լոլիկն ու վարունգը համեմել մնացած մայոնեզով և աղ անել, լցնել մեծ ափսեի վրա հավասար շերտով:
- Դրանից հետո հավը լցնել բանջարեղենի վրա և ցանել չորահացեր:
Այս պարզ աղցանն ունի իր նրբությունները: Նախ, այն անմիջապես են ուտում, հնարավոր չէ տանել աշխատավայր կամ բնության գիրկ, քանի որ չորահացերը կթրջվեն և կկորցնեն իրենց ամբողջ հմայքը: Երկրորդ, աղցանը չեն խառնում: Այս եղանակով միսը հավասարաչափ բաշխվում է, և յուրաքանչյուրը կունենա ամեն ինչից հավասար քանակ: Պահպանեք այս բաղադրատոմսը, որպեսզի այլևս չանհանգստանաք, թե ինչ պատրաստել ճաշի համար:
Հավով և չորահացով աղցանը պատրաստ է:
Բարի ախորժակ
Տեսանյութ
Աղցան չորահացով
