Հատապտուղներով թխվածքը ստացվում է նույն խմորի ձևով, ինչ կեքսների համար՝ խոնավ, փափուկ, շատ հարուստ տեսքով ու համով։
Փորձեք ձեր նախընտրած միջուկով, ես վերցրեցի հատապտուղները և վրան ցանեցի քաղցր փշրանքներ:
Հատապտուղներով թխվածք. Անհրաժեշտ բաղադրիչները
_Ձու 4 հատ
_Շաքարավազ 180 գր
_Վանիլին՝ ըստ ճաշակի
_Մածուն 250 մլ
_Բուսական յուղ 150 մլ
_Ալյուր 400 գր
_Փխրեցուցիչ 2 թեյի գդալ
_Հաղարջ կամ այլ հատապտուղներ
_Ցանկացած օսլա 1 ճաշի գդալ
Փշրանքներ պատրաստելու համար
_Շաքարավազ 2 ճաշի գդալ
_Ալյուր 2 ճաշի գդալ
_Կարագ 50 գր
Հատապտուղներով թխվածք. Պատրաստման եղանակը
_Ձվերը խառնել շաքարավազի և վանիլինի հետ, հարել զանգվածը, մինչև շաքարավազը լուծվի։
_Լցնել սենյակային ջերմաստիճանի մածունը և բուսայուղը, զանգվածը խառնել, մինչև հարթ լինի։
_Լցնել մաղած ալյուրը մասերով և ավելացնել փխրեցուցիչը, խմորը պետք է լինի թանձր, հարթ և ամբողջովին միատարր։
_Հատապտուղները խառնել օսլայի կամ մի գդալ ալյուրի հետ։
_Լցնել դրանք խմորի մեջ և խառնել։
_Ձևամանը ծածկել յուղաթղթով, յուղ քսել և խմորը լցնել, հարթեցնել։
_Փշրանքների համար տրորել շաքարավազը, ալյուրը, կարագը իրար հետ և ցանել վրան:
_Թխել 180 աստիճանում մոտ 40 րոպե, փայտիկով ստուգել պատրաստ լինելը։
Այսպիսի բուրավետ և ախորժելի քաղցրավենիքը բավական կլինի հյուրեր ընդունելու և մեծ ընտանիքի համար նախաճաշելու համար։
Բարի ախորժակ:
Տեսանյութ
Կարակում թխվածք մեր քաղցր մանկությունից
