Հատապտուղներով պաղպաղակ. Երբ ամառային արևն իր կիզակետում է, մեր բոլոր մտքերը գնում են մի ուղղությամբ` թարմ և սառը աղանդեր վայելելու: Իսկ ինչը կարող է ավելի լավ լինել, քան տնական հատապտղային պաղպաղակը: Ընդամենը մեկ բաժակը կօգնի զովանալ, ուրախանալ և լցվել էներգիայով: Բաղադրիչները խառնեք երեկոյան, իսկ արդեն առավոտյան համեղ դեսերտը պատրաստ կլինի:
Ելակի և լոռամրգի խառնուրդը պարզապես հիանալի է: Նուրբ սերուցքային համը կօգնի կոտրել հատապտուղների հաճելի թթվայնությունը: Կեֆիրիով և հատապտուղներով պաղպաղակը շատ թեթև և բուրավետ է: Փորձեք օշարակը փոխել, վերցնել բալի կամ ազնվամորու տարբերակները: Միավորեք տարբեր հատապտուղներ: Այնուհանդերձ կստանաք հիանալի պաղպաղակի մի քանի տարբերակ:
Հատապտուղներով պաղպաղակ. Բաղադրիչները
- Ելակ 200 գ
- Լոռամիրգ 50 գ
- Ելակի օշարակ 40 մլ
- Սերուցք 200 մլ
- Կեֆիր 120 մլ
- Շաքար 100 գ
Հատապտուղներով պաղպաղակ. Պատրաստման եղանակը
- Լվանալ հատապտուղները, պոկել ելակների պոչերը: Հարել լոռամիրգը, ելակը և շաքարավազը բլենդերով մինչև հարթ զանգված ստացվի:
- Ավելացնել օշարակ, յուղալի սերուցք (20%) և կեֆիր: Նորից հարել ամբողջը:
- Լցնել սերուցքա-հատապտղային զանգվածը ձևամանների մեջ: Պաղպաղակի համար նախատեսված բաժակները կամ նման ձևամանները հարմար կլինեն:
- Դնել սառնարանում 6-8 ժամ:
Նման թարմացնող ամառային աղանդերը հաճելի կլինեն երեխաների և մեծահասակների համար: Առանց քիմիական նյութերի և կոնսերվանտների այս առողջ անուշահամ աղանդերը շատ ավելի գերադասելի կլինի քան ցանկացած խանութի պաղպաղակ:
Ավելի շատ բաժիններ պատրաստեք, քանի որ նույնիսկ չեք նկատի, թե ոնց է անհետանում վերջին բաժակի պարունակությունը:
Հատապտուղներով պաղպաղակը պատրաստ է:
Բարի ախորժակ: