Հիանալի կարկանդակ. Փափուկ նուրբ և շքեղ քաղցրավենիք

Գերմանական խոհանոցի հիանալի կարկանդակ խորիզով և խմորիչով խմորով:

Հիանալի կարկանդակ. Անհրաժեշտ բաղադրիչները

_Կաթ 500 մլ

_Ձու 2 հատ

_Ալյուր 700 գր

_Կարագ 100 գր

_Շաքարավազ 100 գր

_Աղ 0,5 թեյի գդալ

_Բուսական յուղ 2 ճաշի գդալ

Թթխմորի համար

_Ջուր 50 մլ

_Շաքարավազ 1 ճաշի գդալ

_Ալյուր 1 ճաշի գդալ

_Չոր խմորիչ 10 գր կամ կենդանի՝ 20 գր

Խորիզի համար

_Ալյուր 200 գր

_Կարագ 130 գր

_Շաքարավազ 100 գր

Քսելու համար

_Թթվասեր 2 ճաշի գդալ

_Ձու 1 հատ

_Սոդա մեկ երրորդ թեյի գդալ

_Ալյուր 1 ճաշի գդալ

Հիանալի կարկանդակ. Պատրաստման եղանակը

_Կաթը եռացնել և թողնել սառի։

_Թթխմորի համար նախատեսված բոլոր բաղադրիչները տաք ջրով խառնել և  թողնել 10 րոպե։

_Ավելացնել տաք կաթը, ձուն, շաքարավազը, աղը և խառնել։

_Լցնել հալած կարագը, խառնել և ավելացնել մաղած ալյուրը։ Խմորը հունցել և ավելացնել բուսայուղը։

_Ծածկել սննդային թաղանթով և դնել տաք տեղում 3 ժամ։

_Խորիզի համար քերել սառը կարագը, ավելացնել ալյուրը, շաքարավազը: Զանգվածը մանրացնել փշուրների նման և դնել սառնարանը։

_Կարկանդակի վրա քսելու համար խառնել բոլոր բաղադրիչները։ Ի դեպ, ըստ ճաշակի կարող եք որևէ մուրաբայի հյութ ավելացնել, որը կարկանդակին յուրահատուկ համ կհաղորդի:

_Ջեռոցի տապակը ծածկել յուղաթղթով կամ յուղ քսել, խմորը դնել, հարթեցնել, քսել վրան քսելու համար նախատեսված հեղուկը և ցանել խորիզը։

_Ջեռոցը տաքացնել 180 աստիճանով և թխել մոտ 30 րոպե։

Բարի ախորժակ:

Տեսանյութ

Գառնու գաթա. Կլոր գաթա