Հոլանդական աղցան. Համեղ ու արագ պատրաստվող նուրբ աղցան
Շատ համեղ ու հաճելի աղցան ենք առաջարկում պատրաստել տանը: Սա կարող եք մատուցել թե ամեն օր, թե տոնական սեղաններին: Աղցանի համար պահանջվող մթերքները գրեթե միշտ կան սառնարանում:
Վստահեցնում ենք, որ մեկ անգամ պատրաստելուց հետո դուք հաճախ տնեցիներին կհյուրասիրեք սրանով, իսկ հյուրերն անպայման կխնդրեն բաղադրատոմսը:
Հոլանդական աղցան. Անհրաժեշտ բաղադրիչները
- պանիր 400 գր
- պահածոյացված շամպինիոն 1 տուփ (400-500 գր)
- լոլիկ 2-3 հատ (300-400 գր)
- գազար 2-3 հատ (250-350 գր)
- սոխ 1 հատ (Միջին չափ)
- թթվասեր լցոնելու համար
- մայոնեզ լցոնելու համար
Հոլանդական աղցան. Պատրաստման եղանակը
- Գազարը եփել ու մաքրել:
- Կլպել սոխը և կտրել քառորդ օղակներով:
- Տապակել սոխը տաքացրած բուսական յուղի (կամ կարագի) մեջ մինչ ոսկե դարչնագույնը:
- Կտրել պանիրը մանր ձողիկներով:
- Լվանալ լոլիկը և կտրել մանր ձողիկներով:
- Նույն կերպ կտրել գազարը:
- Բացել սնկի պահածոն, քամել հեղուկը: Եթե դրանք ամբողջական են, ապա կտրատել շերտերով: Կարող եք մի փոքր տապակել կարագի մեջ, որպեսզի ավելի համեղ դառնան:
- Այժմ բոլոր բաղադրիչները լցնել ամանի մեջ: Թթվասեր և մայոնեզ ավելացնել 1: 1 հարաբերակցությամբ (կամ միայն մայոնեզ, բայց հաշվի առեք, որ աղցանն ավելի յուղալի կլինի):
- Աղցանը կարող եք համեմել թարմ աղացած սև պղպեղով:
- Մանրակրկիտ խառնել աղցանը, դնել սառնարանում մի քանի ժամով: Սառած աղցանը կդառնա էլ ավելի համեղ:
Ի դեպ, ավելի արագ պատրաստելու համար, կարող եք բաղադրիչները շերտերով կտրելու փոխարեն քերել խոշոր քերիչով, իսկ սոխն ու լոլիկը մանր խորանարդներով կտրել:
Հոլանդական աղցանը պատրաստ է:
Բարի ախորժակ!
Տեսանյութ
Հեշտ և արագ աղցաններ
