Փորձենք պատրաստել Համեղ հունական տորթ, որն իրենից ներկայացնում է խոնավ բիսկվիթ:
Տորթերը միշտ չէ, որ պետք է ունենան շատ կրեմ և ծածկույթ: Եթե ցանկանում եք ամենօրյա համեղ տորթ պատրաստել, ապա կարող եք սահմանափակվել միայն բիսկվիթ թխելով։ Որպես կանոն, հենց սա է համարվել տորթ, իսկ կրեմը նախատեսված է որպես տորթի հավելում։
Օրինակ՝ Հին Հունաստանում կրեմ պատրաստել չգիտեին։ Այդ իսկ պատճառով հույները պատրաստեցին միայն բիսկվիթի նմանությամբ թխվածք։ Տորթի ներծծման համար, հնում մարդիկ օգտագործում էին մեղր և ալկոհոլ:
Հունական տորթ. Բաղադրիչները
_ձու — 2 հատ
_սպիտակ քացախ — 1 ճաշի գդալ
_վանիլային շաքար — 1 թեյի գդալ
_փխրեցուցիչ — 1 ճաշի գդալ
_շաքարավազ — 100 գ
_ալյուր — 17 ճաշի գդալ
_աղ — մի պտղունց
_կաթ — 200 մլ
_բուսական յուղ — 110 մլ
Հունական տորթ. Պատրաստման եղանակը
_Ձվերով ամանի մեջ լցնել վանիլային ու սովորական շաքարավազը, աղ անել և մանրակրկիտ հարել ամեն ինչ հարիչով։
_Հենց շաքարավազը լուծվում է ձվի մեջ, անհրաժեշտ է աստիճանաբար խառնուրդին ավելացնել բուսական յուղ։
_Այնուհետև կաթը լցնել ձվի խառնուրդի մեջ, նորից մանրակրկիտ խառնել բաղադրիչները։
_Ձվի զանգվածի մեջ մաղել ալյուրը՝ առաջին մասի հետ ավելացնելով փխրեցուցիչը։
_Խմորը շաղախելուց հետո մեջը լցնել սպիտակ քացախ, խառնել և լցնել թխման կաղապարի մեջ (28×22 սմ)։
_Նախապես ձևամանը պետք է յուղել կարագով։ Խմորը հավասարաչափ տարածել կաղապար մեջ։
_Բիսկվիթը թխել 180 աստիճան տաքացրած ջեռոցում 30-35 րոպե։
Թխելուց հետո կարող եք բիսկվիթը օգտագործել որպես կրեմով տորթի շերտ կամ թողնել այնպես, ինչպես կա։
Խորհուրդ ենք տալիս հունական տորթի մակերեսին քսել հալված մարմելադ։
Բարի ախորժակ:
