Ձմեռային պաղպաղակ. Ձմռանը ամառային շունչ հաղորդող աղանդեր

Օ՜, ինչ համեղ նրբություն ենք մենք պատրաստել ձեզ համար, Ձմեռային պաղպաղակը իսկական հաճույք է, համեղ հյուրասիրություն, որը պատրաստվում է առանց սերուցքի։

Այո այո. Սա այնչափ համեղ է: Այն կարելի է տալ նույնիսկ փոքրիկ երեխաներին, և կարելի է մատուցել մեծերին, որպես քնքուշ աղանդեր:

Ձմեռային պաղպաղակ. Անհրաժեշտ բաղադրիչները

_Բանան 3 հատ

_Կակաոյի փոշի (15 գ) 1,5 ճաշի գդալ

Ձմեռային պաղպաղակ. Պատրաստման եղանակը

_Կտրել բանանը օղակներով և մեկ շերտով դնել տախտակի վրա:

_Դնել սառցախցիկում 10 ժամով։

_Ավելի լավ է դա անել նախօրոք, օրինակ՝ նախորդ օրվա երեկոյան։

_Սառեցրած բանանը լցնել բլենդերի մեջ և ավելացնել կակաոն, հարել բլենդերով։

_Մի երկու րոպե անց պաղպաղակը պատրաստ է, ստացվում է համեղ պաղպաղակի համով քնքշություն առանց շաքարի (չնայած միևնույն է, արդեն շատ քաղցր է) և առանց սերուցքի։

Այս աղանդերն իսկական գտածո է նրանց համար, ովքեր հետևում են իրենց կազմվածքին:

Բարի ախորժակ և լավ տրամադրություն բոլորին։

Տեսանյութ

Տնական Նուտելլա առանց հավելումների