Փորձե՞լ եք պատրաստել զարմանալիորեն համեղ և օրիգինալ ձմերուկի ժելե: Եթե ոչ, ապա միասին պատրաստենք այն ձմռանը վայելելու համար:
Հետևեք իմ քայլ առ քայլ բաղադրատոմսին և կունենաք անհավանական համեղ պահածո: Շատերի սիրելի ձմերուկը կարելի է պահպանել յուրատեսակ աղանդերի տեսքով: Պահածոներով հետաքրքրվածներին պետք է դուր գա այս բաղադրատոմսը, որովհետև, անգամ եթե ձմռանը ձմերուկ գնեք, այն չի ունենա այն համը, որ ունի սեզոնին:
Ձմերուկի ժելե. Անհրաժեշտ բաղադրիչները
_Ձմերուկ — 600 գ (միջուկ)
_Շաքարավազ — 1 բաժակ
_Ժելատին — 25 գ
Ձմերուկի ժելե. Պատրաստման եղանակը
_Պատրաստեք ձեզ անհրաժեշտ բոլոր բաղադրիչները: Կտրել ձմերուկն ու կեղևը հեռացնել, հանել բոլոր սերմերը:
_Ձմերուկի միջուկը բլենդերի ամանի մեջ մանրացնել: Զանգվածը պետք է լինի միատարր և համասեռ:
_Մի փոքր քանակությամբ ձմերուկի զանգված առանձնացնել, դրան ավելացնել ժելատին և թող 15 րոպե ուռչի:
_Մնացած խառնուրդին ավելացնել շաքարավազ, խառնել և միջին կրակի վրա եփել 10 րոպե:
_Հետո ուռած ժելատինն ավելացնել կաթսայի մեջ՝ դեռ տաք զանգվածին: Ամեն ինչ լավ խառնել:
Պատրաստի զանգվածը լցնել մաքուր, ստերիլիզացված, փոքր բանկաների մեջ (ոչ ավելի, քան 300 մլ): Ամուր փակել մետաղյա կափարիչներով և թողնել ամբողջովին սառչի սենյակային ջերմաստիճանում, այնուհետև պահպանման համար դնել սառնարանում:
Ժելեն պատրաստ է:
Բարի ախորժակ
Տեսանյութ
Ելակի մուրաբա կոնյակով