Խորհուրդ եմ տալիս պատրաստել Մազուրկա կեքս: Ինքս այն հաճախ եմ պատրաստում, ստացվում է մի քիչ խոնավ (չրերի շնորհիվ), բուրավետ և անկրկնելի համեղ։
Չորացրած մրգերով և ընկույզով այս շքեղ աղանդերն ունի հարուստ, վառ համ, պատրաստվում է շատ պարզ և արագ։
Մազուրկա կեքս. Անհրաժեշտ բաղադրիչները
_Ալյուր 1 բաժակ
_Կարագ 40 գր
_Ձու 3 հատ
_Շաքարավազ 200 գր
_Նարնջի կեղևի քերուկ 1 թեյի գդալ
_Չրեր և ընկույզներ 350-400 գր
_Աղ 0,5 թեյի գդալ
_Խմորի սոդա 0,5 թեյի գդալ
Մազուրկա կեքս. Պատրաստման եղանակը
_Չորացրած ծիրանը, ընկույզը, թուզը և սալորաչիրը կտրատել և խառնել մանր չրերի հետ։
_Մի քանի րոպե լցնել եռման ջրի մեջ, ապա չորացնել թղթե սրբիչով և խառնել մեկ ճաշի գդալ ալյուրի հետ։
_Ձվերը հարել շաքարավազի հետ, ավելացնել կարագը, խառնել, ավելացնել ալյուրը սոդայով և նարնջի քերուկով, խառնել, ավելացնել չրերի և ընկույզի խառնուրդը, խառնել։
_Զանգվածը տեղափոխել յուղապատ ձևամանի մեջ և դնել նախապես 200 աստիճան տաքացրած ջեռոցը՝ 30-35 րոպե։
_Պատրաստի թխվածքը մի փոքր սառեցնել, հանել կաղապարից, կտրատել և մատուցել թեյի հետ։
Բարի ախորժակ:
Տեսանյութ
Ամենահեշտ ռուլետ դասական տարբերակով
