Այս Մածունով գաթան տանը պատրաստելը գերադասելի ու մատչելի է։
Եթե դուք մածուն ունեք, ապա հյուրասիրեք ձեր հարազատներին համեղ խմորեղենով։
Մածունով գաթա. Անհրաժեշտ բաղադրիչները
Խմորի համար
_Ալյուր 280 գր
_Մածուն 120 մլ
_Կարագ 120 գր
_Շաքար 1 ճաշի գդալ
_Փխրեցուցիչ 1 թեյի գդալ
_Վանիլին մի պտղունց
_Դեղնուց 1 հատ
Խորիզի համար
_Կարագ 30 գր
_Շաքարավազ 80 գր
_Ալյուր 80 գր
_Մի պտղունց վանիլին
Մածունով գաթա. Պատրաստման եղանակը
_Բաղադրիչները պետք է լինեն սենյակային ջերմաստիճանի։
_Խառնել ալյուրը, փխրեցուցիչը և վանիլինը, ավելացնել փափուկ կարագը և ամեն ինչ մանրացնել փշուրների նման։
_Ստացված փշուրների վրա լցնել մածունն ու դեղնուցը։
_Խմորը լավ հունցել, գնդել, փաթաթել թաղանթով և 10 րոպե թողնել սառնարանում։
_Խորիզի համար վերցնել փափուկ կարագը, շաքարավազը և ալյուրը, լավ խառնել մանր փշրանքների վերածել։
_Սառնարանից հանած խմորը պետք է բարակ գրտնակել, քսել ձվի սպիտակուցը, վրան ցանել խորիզը և փաթաթել:
Ստացված ռուլետը պետք է մի փոքր սեղմել դեպի ներքև, դարձնել ավելի հարթ և կտրատել 2-3 սմ կտորներով։
_Ջեռոցի տապակը ծածկել յուղաթղթով և վրան շարել կտրատած գաթաները:
_Թխել ջեռոցում 180⁰C 15-20 րոպե։
Բարի ախորժակ:
Տեսանյութ
Գաթա մածունով
