Երբեմն ես թխում եմ Մանդարինային դրախտ տորթը: Ցիտրուսային բույրը հանում է սթրեսը և վերականգնում հոգեկան հավասարակշռությունը։
Իսկ եթե խոսքը նաև մանդարիններով զարմանալի համեղ նրբության մասին է, ապա վստահ եղեք, ձեզ անպայման դուր կգա:
Մանդարինային դրախտ. Անհրաժեշտ բաղադրիչները
Խմորի համար
_Ձու 6 հատ
_Շաքարավազ 125 գր
_Վանիլային շաքար 1 տուփ
_Լիմոնի կեղևի քերուկ 1 թեյի գդալ
_Ալյուր 125 գր
_Փխրեցուցիչ 1 թեյի գդալ
_Եգիպտացորենի օսլա 50 գր
Կրեմի համար
_ժելատին 20 գր
_Կաթնաշոռ (ավելի լավ է դիետիկ) 400 գր
_Շաքարի փոշի 5 ճաշի գդալ
_Վանիլային շաքար 1 տուփ
_Ցիտրուսային յոգուրտ կամ մածուն 100 գր
_Պահածոյացված մանդարին 400 գր
_Հարած սերուցք 250 մլ
Մանդարինային դրախտ. Պատրաստման եղանակը
_Ջեռոցը տաքացնել մինչև 180°C։ Սպիտակուցները հարել 1 ճաշի գդալ շաքարավազի հետ մինչև փափուկ գագաթներ:
_Դեղնուցները հարել մնացած շաքարավազի և վանիլային շաքարի հետ, ավելացնել կեղևի քերուկը։
_Ալյուրը, օսլան և փխրեցուցիչը մաղել դեղնուցների մեջ, խառնել զգուշորեն, սպիտակուցները բահիկով մաս-մաս ավելացնելով խառնել վերևից ներքև, փորձելով օդը դուրս չթողնել:
_Խմորը լցնել կաղապարի մեջ և թխել 35-40 րոպե։
_Կաղապարը յուղել, կողքերին ալյուր ցանել, ներքևում դնել յուղաթղթի շրջանակ:
_Խմորը լցնել մեջը և դնել ջեռոցը՝ 60 րոպե։ Թխվելուց հետո 10 րոպե թողնել ջեռոցի մեջ։ Այնուհետև հանել և թողնել սառչի մետաղական ցանցի վրա։
_Տորթը կտրել 2 մասի։ Խոնավեցնել մանդարինի կոմպոտով:
_Կրեմի համար ժելատինը թրջել մի քանի ճաշի գդալ մանդարինի կոմպոտի կամ ցիտրուսային ալկոհոլային խմիչքի մեջ։
_Կաթնաշոռը խառնել մածունի, 3 ճաշի գդալ շաքարի փոշու և վանիլային շաքարի հետ:
_Ժելատինը մի փոքր տաքացնել մինչև լուծվի, խառնել 2 ճաշի գդալ կաթնաշոռային կրեմի հետ, ապա խառնել մնացած մասի հետ։
_Երբ զանգվածը սկսի թանձրանալ, հարել սերուցքը և դրա 3/4-ը ավելացնել կրեմին։
_Խառնել մանդարինների հետ (դրանցից 10 շերտ թողնել զարդարման համար) և լցնել ներքևի շերտի վրա՝ տորթի շուրջ բացվող օղակ դնելով։
_Կրեմի վրա դնել խմորի երկրորդ շերտը՝ թեթև սեղմելով։
_Սառնարանում դնել 6 ժամ կամ ամբողջ գիշեր։ Սառած տորթի վրա ցանել շաքարի փոշի, Սերուցքի գնդիկներ շարել տորթի եզրերով, վրան դնելով մանդարինի շերտեր։
Կրեմի վրա կարելի է ցանել նուշի շերտիկներ։
Տորթը կտրատել չոր դանակով, ամեն անգամ կտրելուց հետո դանակը սրբելով։
Մանդարինային դրախտը պատրաստ է:
Բարի ախորժակ:
Տեսանյութ
Ամենահեշտ տուլետ դասական տարբերակով
