Մարինացված պղպեղ. Բուլղարական համեղ բաղադրատոմսերից

Մարինացված պղպեղ. Հիմնական ուտեստին սպասելիս կարող է լինել թեթև խորտիկ

Բնության գրկում խորովածների և պիկնիկների սեզոնում բոլոր տեսակի բանջարեղենային նախուտեստների թեման շատ արդիական է: Դրանք հիանալի կերպով լրացնում են խորոված միսը: Նման դեպքերի ժամանակ ես նախընտրում եմ բուլղարական պղպեղ վերցնել:

Ես այն մատուցում եմ խորովածից առաջ, բայց միշտ կրկնակի բաժին եմ պատրաստում, քանի որ կծու թթու պղպեղը շատ արագ են ուտում: Ցանկացած կանաչիներ և համեմունքներ օգտագործեք, ըստ ցանկության դրանց բույր և կծվություն ավելացնելու համար:

Մարինացված պղպեղ. Անհրաժեշտ բաղադրիչները

_Բուլղարական պղպեղ 1.5 կգ

_Մաղադանոս 70 գ

_Համեմ 30 գ

_Սխտոր 1 գլուխ

_Չիլի պղպեղ 1 հատ

_Ջուր 1 լ

_Աղ 100 գ

_Շաքարավազ 120 գ

_Դափնու տերև 2 հատ

_Համեմի սերմեր 1 թեյի գդալ

_Սև պղպեղ (հատիկ) 10 հատ

_Արևածաղկի ձեթ 120 մլ

_Քացախ 150 մլ

Մարինացված պղպեղ. Պատրաստման եղանակը

_Լվանալ պղպեղը, մաքրել միջուկը և պոչերը: Կտրել բանջարեղենը եռանկյուններով: Ցանկության դեպքում կարելի է հեռացնել թաղանթները:

_Մարինադի համար խառնել ջուրը, աղը, շաքարը, արևածաղկի ձեթը և քացախը: Ավելացնել դափնու տերև, պղպեղի հատիկներ և համեմ:

_Դնել կրակի վրա և եռացնել: Պղպեղը դնել մարինադի մեջ, թողնել եփվի, կրակը թուլացնել մինչև միջինը, ծածկել և եփել 2-3 րոպե՝ կախված պտղամսի հաստությունից:

_Հեռացնել պղպեղը մարինադից,  դնել ափսեի վրա:

_Խառնել կտրատած կանաչիները, կտրտած սխտորը և մանրացված չիլին:

_Խորը ամանի մեջ դնել պղպեղի շերտ և վրան շաղ տալ անուշաբույր խառնուրդը: Հերթագայել շերտերը, քանի դեռ չեք սպառել բաղադրիչները:

_Լցնել մարինադը խորտիկի վրա, որպեսզի այն ամբողջությամբ ծածկի բանջարեղենը:

_Ամանի պարունակությունը ափսեով ներքև սեղմել, ծածկել կափարիչով և ամբողջովին սառելուց հետո պահել սառնարանում առնվազն 12 ժամ:

Պիկնիկի համար երեկոյան պատրաստեք այս խորտիկը, թող ամբողջ գիշեր լավ մարինացվի: Համոզված եմ, որ այս հյութեղ բանջարեղենի անուշահոտ կտորները կգրավեն բոլոր ներկաներին:

Մարինացված պղպեղը պատրաստ է:

Բարի ախորժակ:

Տեսանյութ

Կարմիր պղպեղ