Մարմարե աղանդեր. Անկասկած, այս աղանդերը դուր կգա բոլոր փոքրիկներին: Երեխաներին կաթնաշոռի հանդեպ սեր պատվաստելու համար ամենադյուրին ձևը նրանց մարմարե աղանդեր հյուրասիրելն է: Այն դուր կգա ընտանիքի յուրաքանչյուր անդամի: Գեղեցիկ, եթերային և անսովոր համեղ աղանդերը պաղպաղակի տեսք ունի, իսկ համով հիշեցնում է սուֆլե: Ի դեպ, պատրաստումը շատ քիչ ժամանակ է պահանջում:
Կաթնաշոռից մարմարե աղանդեր պատրաստելու համար կարող եք թթվասերի փոխարեն օգտագործել 33%-ոց սերուցք: Եվ փորձեք կակաոն փոխարինել լուծվող սուրճով, համը մի փոքր այլ կլինի: Անպայման լավ որակի յուղալի կաթնաշոռ գնեք, կարելի է նույնիսկ տնային պայմաններում պատրաստել: Ամեն ինչ կստացվի առանց դժվարության:
Մարմարե աղանդեր. Բաղադրությունը
- Կաթնաշոռ 600 գ
- Խտացրած կաթ 370 գ
- Թթվասեր 300 մլ
- Կակաոյի փոշի 30 գ
- Ժելատին 30 գ
- Ջուր 100 մլ
Մարմարե աղանդեր. Պատրաստման եղանակը
- Լցնել ժելատինի վրա տաք ջուր, խառնել և թողնել ուռչի:
- Հարել կաթնաշոռը խտացրած կաթով մինչև հարթ վիճակի: Առանձին հարել թթվասերը, ապա ավելացրեք կաթնաշոռի զանգվածը դրա մեջ, խառնել:
- Ժելատինին ավելացնել մի քանի ճաշի գդալ թթվասեր, խառնել, որից հետո լցնել մնացած զանգվածի մեջ:
- Խմորը բաժանել երկու կեսի, կակաոն խառնել մի մասի մեջ, մինչև միատարր զանգված ստացվի:
- Միացնել երկու զանգվածը, որպեսզի ստացվի մարմարի տեսք: Դա անելու համար պարզապես մի քանի անգամ խառնեք գդալով: Լցնել զանգվածը սիլիկոնային ձևամանի մեջ և ծածկել կպչուն թաղանթով:
- Դեսերտը դնել սառնարանում առնվազն 3 ժամ:
Կաթնաշոռի դեսերտի համար կարող եք օգտագործել ոչ թե մեկ մեծ, այլ մի քանի փոքր ձևամաններ: Այսպես այն կստացվի բաժիններով և երեխաներին հաստատ դուր կգա: Դեսերտի անվիճելի առավելությունը, հատկապես ամռանը, պատրաստման եղանակն է: Դուք կարիք չեք ունենա վառարանի:
Մարմարե աղանդերը պատրաստ է:
Բաարի ախորժակ:
