Պարզ և համեղ մեղրով թխվածքաբլիթներ. Սա այն բաղադրատոմսն է, որ դուր կգա թե մատչելության, թե համի առումով

Ինչպե՞ս պատրաստել մատչելի մեղրով թխվածքաբլիթներ տանը. Մթերքները խառնել ու դնել ջեռոցում:

Եթե ​​կարծում եք, որ թխվածքաբլիթները միայն վնաս են տալիս մարդու օրգանիզմին, արժե մի փոքր ավելի լավ հասկանալ այս հարցը: Իրականում մեղրով թխվածքաբլիթները պարունակում են մեծ քանակությամբ երկաթ, ցինկ, մագնեզիում և յոդ։ Իսկ այս տարրերը կարևոր դեր են խաղում մեր առողջության համար։

Մեղրով թխվածքաբլիթներ. Բաղադրիչները

_ հավի ձու — 2 հատ

_ ալյուր — 430 գ

_ շաքարավազ — 100 գ

_ սոդա — 1 թեյի գդալ

_ վանիլային շաքար — 10 գ

_ մեղր — 90 գ

_ աղ — 1 պտղունց

_ բուսական յուղ — 80 մլ

_ դարչին — 1 թեյի գդալ

Մեղրով թխվածքաբլիթներ. Պատրաստման եղանակը

_ Խորը տարայի մեջ միացնել ձուն, հատիկավոր շաքարավազը և վանիլինը, արևածաղկի ձեթը։ Բաղադրիչների ընդհանուր զանգվածին ավելացնել մեղրը, սոդան և դարչինը, խառնել մինչև միատարր զանգված ստացվի։

_ Այս խառնուրդի մեջ մաղել ալյուրը՝ մի քանի մասերով։ Երկրորդ կամ երրորդ մասն ավելացնելուց հետո կարող եք ձեռքով խմորը հունցել մոտ մի երկու րոպե։

_ Պետք է ստանաք փափուկ, ճկուն խմոր, որը չի կպչի ձեռքերին։

_ Խմորը գրտնակել մոտ մեկ սմ հաստությամբ շերտով, այն կտրատել փախլավայի նման:

_ Ջեռոցի տապակի վրա դնել յուղաթուղթ, որի վրա շարել խմորի կտորները։

_ Կարևոր է դրանց միջև հեռավորություն պահպանել, քանի որ թխելու ընթացքում թխվածքաբլիթների ծավալը մեծանալու է։

_ Խմորի վրա կարող եք ձևավորում անել պատառաքաղով:

_ Թխվածքաբլիթները թխել 180 աստիճան տաքացրած ջեռոցում՝ 20 րոպե։

_ Տնական թխվածքաբլիթները կարելի է պատրաստել արագ և հեշտությամբ, գլխավորը ցանկություն ունենալն է։

Ստացվում են համեղ, առողջարար և խնայող թխուկներ։

Բարի ախորժակ:

Տեսանյութ

Մեղրով թխվածքաբլիթներ