Մեղրով տորթ. Այս տորթը սիրում են բոլորը, բայց ամեն մեկի թխածն իր համն ունի, ամեն մեկի պատրաստածը իր յուրահատուկ քնքշությունն է ունենում:
Մեղրով տորթից անհար է հրաժարվել, անգամ եթե դիետայի մեջ ես, կամ վախենում ես գիրանալ, որովհետև ամենաչքնաղ տորթի բույրը գայթակղում է: Այս տորթը բոլոր առումներով կատարյալ է: Բայց միգուցե թերևս միայն մեկ թերություն ունի, երբ սկսում եք վայելել` անհնար է կանգ առնել:
Մեղրով տորթ. Բաղադրությունը
Խմորի համար.
_420 գրամ մեղր
_80 գրամ շաքար
_150 գրամ թթվասեր
_120 գրամ կարագ
_1 թեյի գդալ սոդա
_4 հատ ձու
_400 գրամ ալյուր
Կրեմի համար.
_800 գրամ հաստ թթվասեր
_250 գրամ շաքար
_400 մլ յուղային սերուցք
Մեղրով տորթ. Քայլ առ քայլ բաղադրատոմս
_Թթվասերը խառնել սոդայի հետ և մի կողմ դնել:
_Մի ամանի մեջ լցրեք շաքարավազը, կարագը և մեղրը: Դրեք ջրային բաղնիքի վրա և տաքացրեք մինչև շաքարը լուծվի:
_Ավելացնել թթվասերն ու սոդան և խառնել, մինչև զանգվածը դադարի փրփրել:
_Այժմ հեռացնել ջրային բաղնիքից ավելացնել ձվերը և ալյուրը: Խմորը հունցել:
_Խմորը բաժանել 10 կտորների: Թխել 24 սմ տրամագծով ձևամանի մեջ, որը անպայման ծածկված է յուղաթղթով:
_Յուրաքանչյուր շերտը թխվում է մոտ 10 րոպե 180 աստիճանով:
_Շերտեր թխելիս պետք է պատրաստել կրեմը. Դրա համար թթվասերը հարել շաքարով և սերուցքով, մինչև հարթ զանգված դառնա:
_Շերտերը հավասարեցրեք տորթի ամանին՝ կտրելով եզրերը: Ավելացած կտորները լավ փշրեք պատրաստի տորթի մակերեսը պատելու համար:
_Կրեմ քսել բոլոր շերտերի վրա: Առաջին շերտը դնելուց առաջ ամանի վրա մի փոքր կրեմ դրեք:
_Վերևն ու կողքերը կրեմով պատել և ավելցուկ կտորներից փխրուն փշրանքներով ցանեք:
_Թողեք սառնարանում մնա նվազագույնը 4-5 ժամ:
_Բարով վայելեք կյանքի այս հաճույքը:
