Սա Մեղրով տորթի մեր ընտանիքի սիրելի բաղադրատոմսերից մեկն է։
Ես սիրում եմ, քանի որ գրեթե պատրաստելու բարդություն չկա, իսկ ընտանիքս՝ քանի որ տորթը շատ համեղ է ստացվում, նուրբ և փափուկ։
Մեղրով տորթ. Անհրաժեշտ բաղադրիչները
_Կարագ 300 գր
_Մեղր 4 ճաշի գդալ
_Սոդա 2 թեյի գդալ
_Ձու 4 հատ
_Ալյուր 400 գր
_Թխվածքաբլիթներ 200 գր
_Թթվասեր 1,5 — 2 լ
_Շաքարի փոշի 200 գր
_Վանիլին մի պտղունց
_Թթվասերի խտացուցիչ
Մեղրով տորթ. Պատրաստման եղանակը
_Շաքարավազը խառնել մեղրի և փափկած կարագի հետ։
_Վերցնել մեծ, հաստ հատակով կաթսա, որպեսզի զանգվածը չթափվի կրակի վրա դնելիս։
_Հալեցնել կրակի վրա, խառնել, որպեսզի բոլոր բաղադրիչները միանան։
_Ավելացնել սոդան և հարել։
_Երբ զանգվածը դադարի փրփրել, վերցնել կրակից և թողնել սառչի 5 րոպե։
_Ավելացնել ձվերը և խառնել։
_Ալյուրը մաղել և լցնել զանգվածի մեջ, խմորը շաղախել, այն պետք է թանձր լինի, ինչպես տնական թթվասերը։
_Ջեռոցի տապակը (վերցրեք միանգամից 2 հատ) յուղաթղթով ծածկել և լցնել խմորը, հավասարեցնել:
_Թխել 180 աստիճանով՝ 5-ից 7 րոպե։
_Թողնել սառի, կտրել եզրերը, յուրաքանչյուր շերտ կտրել 2 մասի։
_Թթվասերը հարել շաքարի փոշու և թթվասերի կամ սերուցքի համար նախատեսված խտացուցիչով:
_Խմորի ավելացած եզրերի կտորները թխվածքաբլիթների հետ միասին բլենդերով փշրանքների վերածել: Դա մեզ պետք է տորթի վրան ու կողքերին ցանելու համար։
_Տորթ կազմել՝ շերտերին կրեմ քսելով: Կրեմն առատորեն քսեք, որ շերտերը լավ ներծծվեն։
_Այնուհետև ցանել փշրանքները և մի քանի ժամով թողնել սառնարանում։
Ցանկության դեպքում թխվածքաբլիթների փշրանքին կարող եք նաև վանիլին ավելացնել:
Բարի ախորժակ:
Տեսանյութ
Մեղրով տորթ Թափանցիկ նուրբ և անչափ համեղ
