Տոնական սեղանի և ընտանեկան ընթրիքի համար սիրելի, յուրօրինակ Միկադո տորթ, կարող եք նախապես պատրաստել, այն ժամանակի ընթացքում միայն ավելի համեղ է դառնում։
Միկադո տորթ. Անհրաժեշտ բաղադրիչները
Եփովի շոկոլադե կրեմ
_Կաթը հասցնել եռման աստիճանի 400 մլ
Զուգահեռաբար պատրաստել այս խառնուրդը
_Դեղնուց 3 հատ
_Շաքարավազ 200 գր
_Վանիլին 3 գր
Հարել մինչև համասեռ զանգվածը
_Զանգվածի վրա լցնել տաք կաթը, խառնելով.
_Ավելացնել կակաո 4 ճաշի գդալ
_Եգիպտացորենի օսլա 1 ճաշի գդալ
_Հարել խառնիչով մինչև հարթվի և նորից լցնել այն ամանի մեջ, որտեղ տաքացրել եք կաթը։
_Խառնուրդը եփել միջին ջերմության վրա, մինչև թանձրանա, առաջանան առաջին փուչիկները։
_Դատարկել այլ ամանի մեջ և ծածկել թաղանթով, մի կողմ դնել, որ սառչի։ Սա կրեմի պատրաստման առաջին մասն է։
Խմոր
Բոլոր մթերքները պետք է լինեն սենյակային ջերմաստիճանի
_Կարագ 150 գր
_Մի պտղունց աղ
_Վանիլին կամ վանիլային շաքար 2-3 գր
_Ձու 2 հատ
_Թթվասեր 500 գր
_Սոդա 1 թեյի գդալ
_Ալյուր 800 գր
Միկադո տորթ. Պատրաստման եղանակը
_Կարագը հարել մինչև սպիտակի, ոչ երկար: Ավելացնել աղ, վանիլին և 1 ձու, երկրորդը թողնել առայժմ։
_Ամեն ինչ մանրակրկիտ խառնել, հիմա ավելացնել երկրորդ ձուն և նորից հարել համասեռ զանգված աստիճան։
_Առանձին հարել թթվասերը սոդայի հետ, մինչև ստացվի եթերային, նուրբ թանձրություն։
_Այժմ թթվասերը խառնել ձվի կարագի զանգվածին, դրա մեջ աստիճանաբար ավելացնել ալյուրը։
_Կարևոր է վերահսկել խմորի խտությունը, որպեսզի այն պինդ չլինի։ Խմորը դնել խոհարարական տախտակի վրա:
_Շատ ալյուր պետք չէ ավելացնել, խմորը պետք է լինի փափուկ, ճկուն, ինչպես պլաստիլինը, միաժամանակ ձեռքերին չկպչի։
_Բաժանել 12 մասի, գնդիկներ կազմել՝ յուրաքանչյուրը մոտ 130 գ։ 15 րոպեով դնել սառցարանը։
Կրեմի պատրաստումը
_500 գ կարագը հարել մինչև փափկի, ավելացնել 500 գ եփած խտացրած կաթը և ավելացնել արդեն սառած կրեմի զանգվածը, հարել հարիչով, մինչև փարթամանա:
_Խմորը հանել սառցախցիկից, հնարավորինս բարակ գրտնակել, 30 սմ տրամագծով, պատառաքաղով թեթևակի ծակծկել ամբողջ մակերեսը և 5-6 րոպեով դնել 180⁰С նախապես տաքացրած ջեռոցը։
Տորթի հավաքումը
_Պատրաստի, գոլ վիճակի հասած յուրաքանչյուր շերտին քսել կրեմ և ցանել տապակած, մանրացված ընկույզ, դնել իրար վրա, սեղմել, ծածկել խմորի վերջին շերտը կրեմով, ցանել կակաո և զարդարել շոկոլադի փշուրներով։
_Տորթը մի գիշեր դնել սառնարանը, թրմվելու համար։
Մատուցելուց 2 ժամ առաջ Միկադո տորթը պետք է հանել սառնարանից և հասցնել սենյակային ջերմաստիճանի։
Միկադո տորթը պատրաստ է:
Բարի ախորժակ:
Տեսանյութ
Տորթ Միկադո
