Մրգային կարկանդակը ստացվում է պարզապես կատարյալ քնքուշ, եթերային և փափուկ: Այն երկար է մնում թարմ և այն կարելի է պատրաստել ոչ միայն խնձորով, այլև հատապտուղներով և այլ մրգերով:
Այսօր մենք կպատրաստենք խնձորով կարկանդակ:
Մրգային կարկանդակ. Անհրաժեշտ բաղադրիչները
_Ձու 2 հատ
_Աղ մի պտղունց
_Վանիլին՝ ըստ ճաշակի
_Շաքար 130 գր
_Յուղալի թթվասեր 200 գր
_Սոդա 1 թեյի գդալ
_Ալյուր 150 գր
_Խնձոր 3 հատ
_Ընկույզ և մեղր՝ ըստ ճաշակի
Մրգային կարկանդակ. Պատրաստման եղանակը
_Ձուն հարել մի պտղունց աղով:
_Լցնել շաքարավազը, վանիլինը, թթվասերը և խառնել զանգվածը, մինչև հարթվր:
_Ավելացնել սոդան, խառնել և մաղած ալյուրը մաս -մաս լցնել, յուրաքանչյուրը լավ խառնելով զանգվածի մեջ:
_Խմորը պետք է լավ թանձր լինի, ինչպես նրբաբլիթների համար:
_Ծածկել ձևամանը յուղաթղթով և լցնել խմորը, վրան լցնել խնձորի փոքր խորանարդներ և մանրացված ընկույզ:
_Թխել 180 աստիճանով՝ մոտ 30 — 40 րոպե, պատրաստ լինելը ստուգել փայտիկով:
_Առաջին 15 րոպեները սառեցնել ձևամանի մեջ, ապա հանել և թողնել սառչի:
Կարկանդակը ստացվում է փափուկ և քնքուշ: Աղանդերին սերուցքային երանգ հաղորդելու համար հարած սերուցքը հարել մի քանի ճաշի գդալ շաքարի փոշու հետ — այն հիանալի կերպով լրացնում է ընկույզն ու խնձորը, և դուք ստանում եք լիարժեք տորթ:
Բարի ախորժակ:
