Մրգային մարմելադ. Նրբահամ աղանդեր

Մրգային մարմելադ. Մանկությունից սիրած աղանդերը, որը պատրաստել եք ինքներդ, հաստատ ավելի համեղ կթվա:

Տնական մրգային մարմելադներն իսկական գտածո են նրանց համար, ովքեր չեն կարող ապրել առանց քաղցրավենիքի, բայց ցանկանում են սահմանափակել խանութներից գնվող քաղցրավենիքի օգտագործումը:

Այս աղանդերը կարելի է պատրաստել ցանկացած հյութից, մրգային ըմպելիքից և կոմպոտից: Համեղ մրգահյութերը պատրաստում են արագ և հեշտ: Բացի այդ, գործընթացը պահանջում է ընդամենը երեք մատչելի բաղադրիչ՝ հյութ, շաքար և ժելատին:

Ցանկության դեպքում թթվաշությունն ավելացնելու և համը հավասարակշռելու հարցում կարող եք ավելացնել կիտրոնաթթու: Սա, անկասկած, լավագույն համեղություններից է, որը կարող եք պատրաստել ձեր սիրելիների համար:

Մրգային մարմելադ. Անհրաժեշտ բաղադրիչները

_Բալի հյութ 300 մլ

_Շաքար 160 գ

_Ժելատին 40 գ

Մրգային մարմելադ. Պատրաստման եղանակը

_Հյութը, շաքարն ու ժելատինը խառնել հաստ հատակով կաթսայի մեջ և թողնել, որ այտուցվի՝ համաձայն փաթեթի վրայի ցուցումների:

_Ուռած ժելատինը տաքացնել չափավոր կրակի վրա՝ անընդհատ խառնելով: Դրանից հետո կրակը թուլացնել և խառնելով եփել մինչև համասեռ դառնա:

_Երբ ժելատինն ամբողջությամբ լուծվի, կաթսան վերցնել կրակից:  Ձևամանը բուսական յուղով  յուղել և խառնուրդը լցնել դրա մեջ՝ մաղով տրորելով:

_Թողնել սառչի սենյակային ջերմաստիճանում, այնուհետև ծածկել սննդի թաղանթով և դնել սառնարան մինչև պնդանալը, մոտ 2 ժամ:

_Զգուշորեն հանել սառած մարմելադը կաղապարից և կտրել մասերի:

Համեղ ու պայծառ մարմելադը պատրաստ է: Նման տնական հյուրասիրությունը պատրաստելը դժվար չէ, այն կարելի է գեղեցիկ փաթեթավորել և նույնիսկ մատուցել որպես նվեր:

Բարի ախորժակ:

Տեսանյութ

Կոնֆետներ տնային պայմաններում