Այսպիսի Մրգային պիրոգ թխելու համար պատրաստում ենք շատ նուրբ խմոր, որը լավ համադրվում է տարբեր միջուկների՝ հատկապես սեզոնային հատապտուղների և մրգերի հետ:
Ցանկության դեպքում շաքարի փոշիով և թթվասերով կրեմ պատրաստեք։
Մրգային պիրոգ. Անհրաժեշտ բաղադրիչները
_Կարագ 100 գր
_Ձու 1 հատ
_Շաքարավազ 50 գր
_Ալյուր 200 գր
_Մի պտղունց աղ
_Փխրեցուցիչ 1 թեյի գդալ
_Ցանկացած հատապտուղ կամ մրգի կտորներ՝ թարմ կամ պահածոյացված:
Լցոնը պատրաստելու համար ձեզ հարկավոր է
_Թթվասեր 300 գր
_Ձու 2 հատ
_Օսլա 2 ճաշի գդալ
_Շաքարավազ 100 գր
_Վանիլին՝ ըստ ճաշակի
Մրգային պիրոգ. Պատրաստման եղանակը
_Փափկած կարագը խառնել աղի և շաքարավազի հետ, ձուն, հարել խառնիչով, մինչև հարթ լինի:
_Ալյուրը մաղել և խառնել փխրեցուցիչի հետ, լցնել զանգվածի մեջ և հունցել շատ փափուկ, ճկուն խմոր։
_Խմորը դնել տոպրակի մեջ և 20 րոպեով դնել սառնարանը։
_Հատապտուղները լվանալ և չորացնել, եթե պահածոներ են, լցնել մաղի մեջ և թողնել, որ լավ քամվեն։
_Թթվասերը խառնել ձվի, շաքարավազի, վանիլինի և օսլայի հետ, զանգվածը շարունակել հարել, մինչև հարթ լինի։
_Վերցնել 28 սմ տրամագծով թխելու համար նախատեսված ձևաման, ծածկել յուղաթղթով և խմորը դնել, կողքերը ձևավորել։
_Պատառաքաղով ծակծկել ու դնել նախապես 180 աստիճան տաքացրած ջեռոցում։
_Թխել 10 րոպե։
_Խմորի վրա դնել հատապտուղները և լցնել միջուկը։
_Թխել 30 րոպե։
_Թողնել սառչի ձևամանի մեջ, այնուհետև հանել և թողնել, որ ամբողջովին սառչի։
Տոնական մատուցման համար կրեմ պատրաստեք, վրան հալած շոկոլադ լցնել կամ ցանել քերած շոկոլադ:
Բարի ախորժակ:
Տեսանյութ
Տորթ Թագավորական դուետ
