Մրգային պիրոգ. Ամառվա բույրով անուշահամ քաղցրավենիք

Մրգային պիրոգ կարող եք պատրաստել ավելացնելով թարմ կամ սառեցված, պահածոյացված հատապտուղներ, մրգի կտորներ և չորացրած մրգեր։

Մթերքների փոքր քանակով խմորը ստացվում է եթերային, փափուկ և փարթամ:

Մրգային պիրոգ. Անհրաժեշտ բաղադրիչները

_Ձու 4 հատ

_Շաքարավազ 180 գր

_Կաթ 200 մլ

_Բուսական յուղ 120 մլ

_Կոկոսի փաթիլներ 80 գր

_Ալյուր 300 գր

_Փխրեցուցիչ 1 տուփ

_Սառեցված ելակ 300 գր

_Օսլա 1 ճաշի գդալ

Մրգային պիրոգ. Պատրաստման եղանակը

_Ձվերը հարել շաքարավազի և վանիլի հետ՝ ըստ ճաշակի։

_Կարելի է հարիչով հարել, որպեսզի զանգվածը փարթամանա։

_Շաքարն ամբողջությամբ լուծվելուց հետո, ավելացնել կաթը, բուսական յուղը և կոկոսի փաթիլները, հարել։

_Փխրեցուցիչի հետ մաղած ալյուրը լցնել  և խառնել խմորը։

_Ձևամանը ծածկել յուղաթղթով և խմորի մի մասը լցնել:

_Հատապտուղները խառնել օսլայի հետ ու լցնել խմորի վրա, ավելացնել մնացած խմորը։

_Թխել 180 աստիճանում մոտ 40 — 50 րոպե, պատրաստ լինելը ստուգել փայտիկով։

Թխվածքը ստացվում է բուրավետ հրաշք, ամառվա հաճելի հիշեցում։ Ելակը կարելի է փոխարինել հաղարջով, խնձորի կտորներով, տանձով, կեռասով։

Այս խմորը հիանալի համադրվում է նաև կաթնաշոռի հետ՝ խառնված կիտրոնի կամ նարնջի քերուկի կամ պարզապես ջեմի հետ։

Բարի ախորժակ:

Տեսանյութ

Գազարով տորթ