Նապոլեոն տորթի ծննդյան մի քանի վարկած կա: Դրանցից մեկի համաձայն՝ Նապոլեոնի տորթը հորինվել է Բոնապարտի Ռուսաստանից վռնդելու հարյուրամյակի հիշատակման համար։
Ճիշտ է, դրանք կրեմով շերտավոր խմորներ էին՝ եռանկյունաձև, որը հիշեցնում էր Նապոլեոնի գլխարկը։ Այնուհետև մինի տարբերակը վերածվեց կլոր տորթի, որը մենք բոլորս գիտենք և սիրում ենք:
Մենք առաջարկում ենք պարզ Նապոլեոն տորթի տարբերակ, որը կարող է գլուխ հանել նույնիսկ սկսնակ խոհարարը:
Նապոլեոն տորթ. Անհրաժեշտ բաղադրիչները
Կրեմի համար
_Կարագ 200 գր
_Ձու 1 հատ
_Շաքարավազ 150 գր
_Կաթ 120 մլ
_Վանիլային շաքար 10 գր
_Կոնյակ 1 ճաշի գդալ
Խմորի համար
_Ալյուր 350 գր
_Կարագ 200 գր
_Թթվասեր 10% 200 գր
_Սոդա ¼ թ/գդ
_Մի պտղունց աղ
Նապոլեոն տորթ. Պատրաստման եղանակը
_Ալյուրը մաղել աղի և սոդայի հետ: Կարագը կտրատել խորանարդներով և տրորել ալյուրի հետ և փշրանքների վերածել։ Ավելացնել թթվասերը և հունցել կպչուն խմոր։
_Խմորը բաժանել երեք մասի, ծածկել պոլիէթիլենային թաղանթով և դնել սառնարանը 2-4 ժամ։
_Կտրել երեք յուղաթուղթ ջեռոցի տապակի չափով, որպեսզի տեղավորվի ջեռոցի տապակի վրա:
_Ջեռոցը տաքացնել 190-200 C: Խմորի յուրաքանչյուր կտոր գրտնակել թղթի վրա, պատառաքաղով ծակծկել։
_Խմորի յուրաքանչյուր կտոր մեջտեղից կտրել ջեռոցի տապակի երկար կողմի երկայնքով: Թխել 17-20 րոպե։
_Պատրաստի շերտերը անմիջապես բաժանել երկայնքով, թողնել սառչի, ընդհանուր առմամբ կստացվի 6 շերտ։
_Պատրաստել կրեմը կաթսայի մեջ՝ խառնել ձուն շաքարավազի հետ, ավելացնել կաթը։
_Դնել թույլ կրակի վրա և անընդհատ խառնելով եփել, մինչև թանձրանա։
_Խառնուրդի թանձրությունը նման լինի խտացրած կաթի, թողնել սառչի սենյակային ջերմաստիճանում:
_Կարագը խառնել վանիլային շաքարի հետ և հարել մինչև փարթամանա։
_Աստիճանաբար փոքր չափաբաժիններով կրեմին ավելացնել կաթով օշարակը։ Վերջում ավելացնել կոնյակ։
_Շերտերը իրար վրա դնել, տախտակով թեթևակի սեղմել ներքև և կտրել եզրերը։ Կտրված մասերը մանրացնել։
_Շերտերին քսել կրեմ, հավաքել տորթը, վերևն և կողքերը ցանել փշրանքներով և մի քանի ժամով դնել սառնարանը։
Բարի ախորժակ:
Տեսանյութ
Նապոլեոն տորթ
