Առաջարկում ենք պատրաստել Նապոլեոն տորթի նման համեղ, յուրահատուկ աղանդեր: Եթե որոշեք ինքներդ տորթ պատրաստել, բայց այս հարցում այնքան էլ մեծ փորձ չունեք, ապա առաջարկում եմ պատրաստել այս թխվածքը, որն իրականում անչափ համեղ է ստացվում։
Այս պարզ տորթի համար անհրաժեշտ կլինի ընդամենը 4 բաղադրիչ։
Նապոլեոն. Անհրաժեշտ բաղադրիչները
_Շերտավոր խմոր 500 գր
_Սերուցք 33% 500 գր
_Շաքարի փոշի 3 ճաշի գդալ
_Ջեմ կամ մուրաբա 30 մլ
Նապոլեոն. Պատրաստման եղանակը
_Միացնել ջեռոցը և տաքացնել մինչև 200 ° C։ Խմորը կտրել 1 սմ լայնությամբ շերտերով, դնել յուղաթղթով ծածկված ջեռոցի տապակի վրա և թխել 15 րոպե։
_Սերուցքը սառեցնել, ավելացնել շաքարի փոշին և հարիչով հարել, մինչև թանձրանա (հենց որ կրեմը փարթամանա ու ձևը պահպանի, այլևս հարել պետք չէ)։
_Պատրաստել ձևամանը, ձողիկները (դրանք ծավալով մեծացած կլինեն) և սկսել հավաքել տորթը։
_Ներքևում մի քիչ կրեմ քսել, հարթեցնել և շարել ձողիկների առաջին շերտը (մեկ ձողիկը կիսեք երկու մասի, հետագայում ավելի հեշտ կլինի կտրատել տորթը և շերտերն ավելի բարակ ու կրեմով հագեցած կլինեն) հետո քսել կրեմ, հետո նորից ձողիկներ, կրեմ, ապա մի շերտ ջեմ, ձողիկներ և կրկին կրեմ: Մի երկու ձողիկ թողնել փշրելու համար։
_Պատրաստի թխվածքը 2 ժամով դնել սառնարանը, այդ ընթացքում այն լավ կսառչի, հետո հանել, քսել մնացած կրեմը ու փշրանքները ցանել։
_Այսքան բան. տորթը պատրաստ է:
Այս աղանդերը շատ համեղ է ստացվում: Իհարկե շատ կան այդպիսի թխվածքներ, որոնք նույնպես Նապոլեոն են կոչվում, միայն թե նրանցում կրեմն ավելի շատ կարագային է։
Տորթը կարելի է թողնել սենյակային ջերմաստիճանում թրմվի, այնուհետև այն ամբողջովին կթրջվի, մի փոքր կնստի և նույնպես շատ համեղ կլինի։
Խորհուրդ եմ տալիս անպայման պատրաստել։
Բարի ախորժակ:
Տեսանյութ
Նապոլեոն տորթ
