Նուրբ ամառային աղանդեր. Ամառը տրամադրում է համեղ, բայց ոչ ծանր ուտեստներ վայելելու:
Այնպես որ, մենք ամեն անգամ փնտրում ենք թեթև մթերքներով պատրաստվող նրբահամ ուտելիքների բաղադրատոմսեր, որոնք հնարավոր լինի հեշտ պատրաստել, մատչելի մթերքներից, և որ պակաս կարևոր չէ` դրանք լինեն դյուրամարս:
Այսօր եկեք պատրաստենք համեղ տորթ` առանց ալյուրի, կարագի և շաքարի:
Ձևամանի տրամագիծը` 18-19 սմ
Նուրբ ամառային աղանդեր. Անհրաժեշտ բաղադրիչները
_Կաթնաշոռ 600 գ (կարող եք վերցնել ցանկացած յուղայնության)
_Ձու 2 հատ
_Մեղր 100 գ (աղանդերին այլ քաղցր չի ավելացվում, այնպես որ կարող եք վերցնել մինչև 150-200 գ)
_Վանիլին դանակի ծայրով
_Օսլա 40 գ
_Կաթ 500 գ + ևս 100 գ` ժելատինի համար
_Ժելատին 18-20 գ
Նուրբ ամառային աղանդեր. Պատրաստման եղանակը
_Լցնել ժելատինի վրա 100 գ կաթը և թողնել մնա 10 րոպե ուռչելու համար:
_Ձվերը հարել օսլայի և մի քիչ կաթի հետ: Երբ զանգվածը ամբողջովին համասեռ դառնա, ավելացնել կաթի մնացած քանակությունը (ընդհանուր 500 գ կաթ): Եփել միջին կրակի վրա ՝ անընդհատ խառնելով: Երբ հայտնվում են առաջին պղպջակները, կրեմը եփել 30-60 վայրկյան, հեռացնել կրակից:
_Ուռած ժելատինը տաքացնել մոտ 60 աստիճանի ջերմաստիճանում, բայց ոչ մի դեպքում մի եռացրեք, հակառակ դեպքում այն կկորցնի գելային հատկությունները:
_Տրորել կաթնաշոռը բլենդերով, ավելացնել կրեմը և ժելատինը, հարել մինչև ամբողջովին համասեռ դառնա:
_Լցնել ձևամանի մեջ, ծածկել կպչուն թաղանթով և 6-8 ժամով թողնել սառնարանում մինչև ամբողջովին պնդանա:
Նուրբ ամառային աղանդերը պատրաստ է:
Բարի ախորժակ:
Տեսանյութ
Ինչպես Պատրաստել Շոկ Մանժե․ Անչափ նուրբ և համեղ Շոկոլադե Մուս
