Նուրբ բուլկիներ. Համեղ, մատչելի և անուշաբույր քաղցրավենիք

Ներկայացնում ենք բաղադրատոմս, որով յուրաքանչյուրը կարող է պատրաստել այսպիսի նուրբ բուլկիներ:

Այս քաղցրավենիքները շատ համեղ ու քնքուշ են, կարող եք հեշտությամբ պատրաստել, եթե սիրում եք նման աղանդեր թեյի համար:

Նուրբ բուլկիներ. Անհրաժեշտ բաղադրիչները

_Ալյուր 2,5 բաժակ

_Ջուր 1 բաժակ

_Աղ 1 թեյի գդալ

_Կարագ 100 գր

_Պանիր՝ ըստ ճաշակի և ցանկության

Նուրբ բուլկիներ. Պատրաստման եղանակը

_Մաղած ալյուրը մաս -մաս լցնել ջրի մեջ և ավելացնել աղը, հունցել խմորը:

_Ավելացնել մի կտոր կարագ և շարունակել հունցել, ալյուր ցանելով սեղանին:

_Ծածկել խմորը և թողնել 10 րոպե:

_Խմորը բաժանել 4 մասի և գնդել, ծածկել դրանք:

_Յուրաքանչյուր գունդը գրտնակել շատ բարակ շերտով:

_Քսել հալված կարագ, ծածկել երկրորդ շերտով, այն նույնպես քսել կարագով: Այդպես անել բոլոր 4 շերտերի հետ՝ դրանք դասավորելով իրար վրա:

_Դասավորված խմորը փաթաթել խողովակաձև և կտրատել մասերով:

_Յուրաքանչյուր կտոր գրտնակել բլիթի ձևով և մեջտեղում սեղմել՝ կստացվի թիթեռ:

_Խմոր- թիթեռի մի կողմը ծալել մյուսի վրա՝ կստանանք բուլկի:

_Բուլկիները դասավորել յուղաթղթով ծածկված ջեռոցի տապակի վրա, վրան քսել որևէ քաղցր օշարակ և թխել 180 աստիճանով տաքացված ջեռոցում՝ 15 — 20 րոպե:

Նման քաղցրավենիքների վրա կարող եք դեռ տաք վիճակում մեղր լցնել կամ խտացրած կաթ՝ հատկապես քաղցրասերների համար:

Բարի ախորժակ:

Տեսանյութ

Սիննաբոն բուլկիներ