Նրբաբլիթով տորթ շոկոլադով և բանանով. Յուրահատուկ, անսովոր աղանդեր
Իմ ընկերւհին իսկական վիրտուոզ խոհարար է: Ոչ, նա չունի հատուկ կրթություն և չի ավարտել դասընթացները: Նա պարզապես սիրում է ստեղծել գեղեցիկ և համեղ գլուխգործոցներ: Նրբաբլիթով տորթն ամենից շատ զարմացրեց ինձ: Նման համեղ ու էլեգանտ աղանդեր ես վաղուց չէի տեսել: Իհարկե, ես ցանկացա կրկնել:
Անկեղծ ասած, այստեղ պետք է մի քիչ չարչարվել: Հեշտ է ուղղակի խմորը լցնել կաղապարի մեջ և ուղարկել այն վառարան: Բայց հավատացեք, չարչարանքն իզուր չի լինի: Եթե ունեք մի փոքր ազատ ժամանակ կամ հանգստյան օրեր են ապա այս տորթի բաղադրատոմսը ձեզ համար է :
Նրբաբլիթով տորթ շոկոլադով և բանանով. Անհրաժեշտ բաղադրիչները
- Նրբաբլիթներ 15 հատ
- Նուտելա 300 գ
- Պանիր Մասկարպոնե 350 գ
- Սերուցք 75 մլ
- Բանան 3 հատ
- Սև շոկոլադ 150 գ
- Սպիտակ շոկոլադ 150 գ
- Հատապտուղներ ըստ ճաշակի
Նրբաբլիթով տորթ շոկոլադով և բանանով. Պատրաստման եղանակը
- Մասկարպոնեն հարել սերուցքով: Նրբաբլիթները տեղադրեք խորը ամանի մեջ, որպեսզի դրանք ծածկեն ներքևը և կողմերը: Տակի մասի նրբաբլիթին քսել արդեն պատրաստված սերուցքային կրեմ:
- Նրբաբլիթներին առանձին քսել շոկոլադե մածուկ և դրա վրա դնել բանանի կտորներ:
- Լցոնված նրբաբլիթները ոլորել խողովակի նման: Կրեմ քսած նրբաբլիթի վրա դասավորել այս ոլորված գլանափաթեթները: Հարկավոր է այս գլանափաթեթներից 4 հատ:
- Նրբաբլիթով գլանափաթեթներին քսել կրեմ, ծածկել նրբաբլիթով և կրկին քսել կրեմ: Այնուհետև պատրաստեք ևս 5 գլանափաթեթ և կրկին կրեմի շերտ:
- Տորթի կողքերը փաթաթեք և ծածկել նրբաբլիթով` հատկապես ուշադրություն դարձնելով եզրերին: Ծածկել ամանը մեծ ափսեով և շրջել այն:
- Կտրել պլաստմասե շշի ներքևի մասը, դնել այն տորթի վրա ներքև, և դրա վրա լցնել հալված սև շոկոլադը, ապա սպիտակ շոկոլադը: Մի փոքր պտտել շիշը և կրկին լցնել երկու տեսակի շոկոլադը:
- Հեռացնել շշի կտորը և մնացած հատվածը զարդարել կրեմով և բանանի կտորներով: Շարել հատապտուղներ տորթի կողքերին, ներքևի մասում:
Պարզապես պատկերացրեք, թե որքան տոնական ու գեղեցիկ տեսք կունենա սեղանի վրա շոկոլադով, նրբաբլիթով տորթը: Փորձեք դիմակայել նման գայթակղությանը: Նրբաբլիթ պատրաստելիս մի չարաշահեք շաքարը: Աղանդերն արդեն քաղցր է շոկոլադի շերտի շնորհիվ:
Նրբաբլիթով տորթ շոկոլադով և բանանով պատրաստ է:
Բարի ախորժակ
Տեսանյութ
Բանանով աղանդեր