Նրբահամ ռուլետներ. Արագ ու հեշտ աղանդեր, որը բառացիորեն կհալչի բերանում

Նրբահամ ռուլետներ առանց ջեռոցում թխելու, պարզ ու արագ քայլերով:

Ռուլետները նախկինում չէին նշանակում քաղցրավենիք, որ լցոնված է մրգերով կամ շոկոլադով: Մարդիկ առաջին ռուլետները պատրաստում էին մեր դարաշրջանից առաջ՝ միսը փաթաթելով անուտելի խմորով։ Այսպիսով, հին մարդիկ իրենց ապահովում էին թե՛ սննդով, թե՛ այն պահելու միջոցներով։

Միայն հազարամյակներ անց մարդկությունը հասավ ռուլետներից աղանդերի պատրաստմանը: Պարզապես խոհարարները հասկացան, որ ոչ միայն միսը, այլև բանջարեղեն կամ մրգեր կարելի է փաթաթել խմորով:

Այս կերպ ռուլետներից աղանդեր են հայտնվել։

Նրբահամ ռուլետներ. Բաղադրիչները

_ կոկոսի փաթիլներ — 200 գ

_ ընկույզ — 8 հատ

_ կաթ — 1 լիտր

_ շաքարավազ — 270 գ

_ ալյուր — 270 գ

_ եգիպտացորենի օսլա — 30 գ

_ վանիլին — 1 գրամ

_ նարնջի կեղև

_ կարագ — 50 գ

_ նարնջի հյութ — 500 մլ

Նրբահամ ռուլետներ. Պատրաստման եղանակը

_ Ջեռոցի տապակը ծածկել յուղաթղթով և համաչափ տարածել կոկոսի փաթիլները:

_ Կաթսայի մեջ խառնել կաթը, 200 գրամ շաքարավազը և 220 գրամ ալյուրը։

_ Եփել մարմանդ կրակի վրա, մինչև զանգվածը մի փոքր թանձրանա։ Կաթնային զանգվածին ավելացնել վանիլինն ու կարագը, շարունակել եփել մինչև թանձրանալը։

Հուշում. Զանգվածը պետք է անընդհատ խառնել։

_ Լցնել տաք կաթի խառնուրդը տապակի վրա, որտեղ գտնվում է կոկոսի քերուկը: Զգուշորեն տարածել թանձրացած զանգվածի հավասար շերտ, թողնել սառչի։

_ Նարնջի հյութը կաթսայի մեջ դնում ենք կրակի վրա, աստիճանաբար լցնել օսլան, ալյուրը, շաքարավազը և նարնջի քերուկը։ Բոլոր բաղադրիչները խառնել, հասցնել եռման աստիճանի։

_ Այս նարնջագույն միջուկը լցնել կաթնային շերտի վրա, հավասարաչափ տարածել մակերեսի վրա։ Նարնջի միջուկը թող սառչի մի քանի ժամ։

_ Շերտը կտրատել մոտ 5×10 սմ չափսի փոքր ուղղանկյունների, բոլոր ուղղանկյունները ռուլետի ենք վերածում, ազատ եզրն ամրացնում։

Արդյունքը հետաքրքիր աղանդեր է տոնական սեղանին։
Ռուլետները պետք չէ թխել և կամ խմոր պատրաստել։

Բարի ախորժակ:

Տեսանյութ