Մենք այսօր առաջարկում ենք պատրաստել համեղ շառլոտ կաթնաշոռով: Աննկարագրելի համեղ խմորեղեն է ստացվում:
Դասական շառլոտը պատրաստվում է հաշվի առնելով մի քանի նրբություններ: Բայց այս խմորեղենի տարբեր եղանակներ և բաղադրատոմսեր են հայտնի:
Մեր բաղադրատոմսով խնձորով շոռակարկանդակը ուղղակի չքնաղ համ ունի: Կհամոզվեք, հենց որ փորձեք պատրաստել:
Շառլոտ կաթնաշոռով. Բաղադրությունը
_5 ձու
_200 գրամ շաքար
_500 գրամ կաթնաշոռ
_200 գրամ կարագ
_կիտրոնի քերուկ
_250 գրամ ալյուր + 10 գրամ փխրեցուցիչ
_2 խնձոր
Շառլոտ կաթնաշոռով. Քայլ առ քայլ բաղադրատոմս
_Հարել ձվերը խորը ամանի մեջ, այնքան, որ փրփրի, այնուհետև մաս-մաս ավելացնել շաքարավազը, խառնել հարիչով, մինչև ամբողջությամբ շաքարը հալվի և ստացվի համասեռ զանգված:
_Ստացված զանգվածի մեջ ավելացնել կաթնաշոռը, տրորել, ավելացնել հալված կարագը, կիտրոնի քերուկը և խառնել:
_Այնուհետև փխրեցուցիչի հետ համատեղ ալյուրը մաղել զանգվածի վրա և զգուշորեն խառնել բահիկով:
_Ձևամանը ծածկեք յուղաթղթով, յուղեք կարագով և մեջը լցրեք ստացված խմորը:
_Կտրեք խնձորները հնարավորինս հավասար կտորներով, հեռացրեք կորիզները, բայց մի կլպեք և դրանք կեղևը վերև` շարեք խմորի վրա:
_Թխել ջեռոցում 180 աստիճանի տակ, մոտ 40-45 րոպե:
Շառլոտը կաթնաշոռով պատրաստ է, դեռ տաք խմորեղենի վրա ցանեք շաքարի փոշի:
Տեսանյութ
Համեղ բիսկվիթ
Կաթնաշոռով չքնաղահամ պոնչիկներ պատրաստենք այս գեղեցիկ տեսանյութի օգնությամբ.
Մանր Պոնչիկներ․ 2 րոպեում վերջացող Նուրբ Փքաբլիթներ Կաթնաշոռով