Սրանք հայտնի փափուկ ու փարթամ, շաքարավազով բուլկիներ են։ Խմորի բաղադրատոմսի շնորհիվ եթերային է ստացվում, բուրավետ, երկար ժամանակ թարմ է մնում։
Բացի շաքարավազից կարելի է ցանել նաև դարչին, ընկույզ, կակաչի սերմեր։
Շաքարավազով բուլկիներ. Անհրաժեշտ բաղադրիչները
_Թարմ խմորիչ 21 գր կամ չոր՝ 7 գր
_Կաթ 200 մլ
_Ձու 2 հատ
_Շաքարավազ 50 գր
_Մի պտղունց աղ
_Ալյուր մոտ 480 գր
_Կարագ կամ բուսական յուղ 60 գր
_Շաքարավազ 120 գ + վանիլին ըստ ճաշակի
_Կարագ 50 գր
Շաքարավազով բուլկիներ. Պատրաստման եղանակը
_Տաք կաթի մեջ լուծել խմորիչը և շաքարավազը, թողնել 20 րոպե, մինչև փրփուր առաջանա։
_Ավելացնել աղը և բուսական յուղը կամ հալած կարագ:
_Ավելացնել դեղնուցն ու ձուն, հարել հարիչով։
_Աստիճանաբար ավելացնել ալյուրը և հունցել խմոր։
Հուշում. ձեզ ավելի քիչ կամ շատ ալյուր կպահանջվի, քանի որ այն տարբեր որակ կարող է ունենալ։
_Խմորը ծածկել և թողնել տաք տեղում 1 ժամ։
_Բաժանել մոտ 14 մասի, կարող եք քիչ կամ շատ բուլկիներ ստանալ։
_Կտորները գնդիկներ անել և ծածկել թաղանթով։
_Կարագը հալեցնել և թողնել, որ սառչի։
_Շաքարավազն ու վանիլինը վերցնել ըստ ճաշակի և խառնել։
_Յուրաքանչյուր գնդիկ գրտնակել բարակ շերտով, քսել կարագ և ցանել շաքարավազ:
_Գլանաձև փաթաթել, եզրերը սեղմել, մեջտեղից ծալել և սուր դանակով կտրել, շերտը բացել և ստանալ սրտիկաձև բուլկի։
_Դնել յուղաթղթով ծածկված ջեռոցի տապակի վրա, քսել հարած դեղնուց։
_Թխել 180 աստիճանով մոտ 15 րոպե։
_Թողնել սառի մետաղական ցանցի վրա. թխելիս շաքարը կարող է դուրս հոսել և այրվել, ուստի ավելի լավ է բուլկիները շուտ հանել կաղապարից:
_Տաք ժամանակ վրան ցանել շաքարավազը:
Բարի ախորժակ:
Տեսանյութ
Հեշտ բուլկի Կրուասաններ
