Շերտավոր թխվածքը շատ փափուկ է և բուրավետ։ Այն պատրաստելը շատ պարզ է, ստացվում է շատ նուրբ: Շերտավոր փխրունությունը մատուցում ենք նախաճաշին, կեսօրին խորտիկի համար, իսկ երեխաներս սիրում են նրանց իրենց հետ դպրոց տանել:
Շերտավոր թխվածք. Անհրաժեշտ բաղադրիչները
_Գոլ մածուն 300 մլ
_Շաքարավազ 2 ճաշի գդալ
_Չոր խմորիչ 2 թեյի գդալ
_Ձու 1 հատ
_Մի պտղունց աղ
_Ալյուր մոտ 550 գր
_Կարագ 150 գր
Խորիզի համար
_Շաքարավազ 80 գր
_Կարագ 50 գր
_Ալյուր 60 գր
_Քսելու համար դեղնուցը հարել 1 գդալ կաթի հետ
Շերտավոր թխվածք. Պատրաստման եղանակը
_Մածունը տաքացնել գոլ վիճակի և խառնել շաքարավազի և խմորիչի հետ։
_Ավելացնել մի պտղունց աղը և ձուն, խառնել մինչև հարթ լինի։
_Լցնել մաղած ալյուրի մեծ մասը, շաղախել խմորը։
_Աստիճանաբար ավելացնել մնացած ալյուրը և հունցել խմորը։
_Սառը կարագը քերել խոշոր քերիչով, շարունակել հունցել խմորը մինչև հարթվի, ծածկել և թողնել 1 ժամ։
_Խորիզի համար քերել սառը կարագն ալյուրի մեջ, խառնել շաքարավազի հետ և ամեն ինչ խառնել ձեռքերով մինչև փշրվի, դնել սառնարանը։
_Խմորը բաժանել 2 մասի և յուրաքանչյուրը բարակ շերտով գրտնակել։
_Յուրաքանչյուր շերտին ցանել խորիզ, կիսով չափ ծալել, նորից ցանել խորիզ, նորից ծալել, ցանել խորիզ ու ծալել։
_Ծալվածքը գրտնակել և կտրատել կտորներով։
_Նույնը անել երկրորդ խմորի գնդի հետ։
_Դնել յուղաթղթով ծածկված ջեռոցի տապակի վրա։
_Վրան քսել կաթով հարած դեղնուցը:
_Թխել մոտ 20-30 րոպե 180 աստիճան ջերմաստիճանում։
_Երբ սառչեն՝ կարելի է ցանել շաքարի փոշի կամ ցիտրուսային քերուկ։
Բարի ախորժակ:
Տեսանյութ
5 Գաթա. Մածունով կլոր գաթա
