Արագ և հեշտ բաղադրատոմս եթերային կրեմով և թարմ հատապտուղներով համեղ, նուրբ Շերտավոր թխվածքի համար: Տորթի հիմքը պատրաստի շերտավոր խմորն է։
Շերտավոր թխվածք. Անհրաժեշտ բաղադրիչները
_Շերտավոր խմոր 500 գր
_Ձու 2 հատ
_Շաքարավազ 100 գր
_Եգիպտացորենի օսլա 25 գր
_Տաք կաթ 300 գր
_Վանիլին մի պտղունց
_Կարագ 170 գր
_Ազնվամորի կամ այլ հատապտուղներ 300 գր և շաքարավազ
Շերտավոր թխվածք. Պատրաստման եղանակը
_Խմորը նախապես հանել սառցախցիկից, որպեսզի փափկի։
_Գրտնակել և կաղապարի չափով կլոր շերտեր կտրատել, քանի հատ որ կստացվի։
_Շերտերից մեկը կտրատել եռանկյունիներով, թխել նաև խմորի ավելացած մասերը։
_Շերտերը դնել յուղաթղթով ծածկված տապակի վրա և թխել 180 աստիճանի տակ մինչև ոսկե դարչնագույնը։
_Կրեմի համար ձվերը հարել շաքարավազի և վանիլինի հետ, ավելացնել օսլան, խառնել մինչև հարթ լինի, աստիճանաբար լցնել տաք կաթը:
_Եփել մարմանդ կրակի վրա, մինչև թանձրանա, թողնել սառչի:
_Փափկած կարագը հարել և մաս-մաս ավելացնել կրեմին, հարել մինչև փարթամ ու հարթ լինի։
_Լցնել հատապտուղները տապակի մեջ և եփել շաքարավազի հետ՝ մոտ 10 րոպե։
_Տորթ կազմել՝ շերտերին կրեմ քսել, վրան հատապտղային զանգվածը տարածել։
_Մնացած կրեմով պատել թխվածքի կողքերը և ցանել փշրանքներով։
_Տորթը դնել սառնարանը 4 — 6 ժամ։
Շատ թեթև, հատապտղային, նուրբ թխվածք, իդեալական է առավոտյան թեյի համար։
Բարի ախորժակ:
Տեսանյութ
Նապոլեոն տորթ շատ համեղ և ճոխ թխվածք