Երբ ես փոքր էի, մայրս հաճախ էր այս բաղադրատոմսով թխում շերտավոր լեզվակներ։ Հիմա երեխայիս համար այսպիսի նրբություն եմ պատրաստում, բուրավետ, զարմանալիորեն համեղ փքուն լեզվակներ՝ պատրաստված տանը։
Փորձեք պատրաստել և կտեսնեք, որ այն աստվածային համեղ է և շատ պարզ:
Շերտավոր լեզվակներ. Անհրաժեշտ բաղադրիչները
_Ձու 1 հատ
_Կիտրոնի հյութ մի քանի կաթիլ
_Կարագ 250 գրամ
_Ջուր 1 բաժակ
_Ալյուր 3 բաժակ + 2 ճաշի գդալ
_Աղ 1 թեյի գդալ
Շերտավոր լեզվակներ. Պատրաստման եղանակը
_Ջուրը խառնել մաղած ալյուրի, կիտրոնի հյութի, աղի, ձվի հետ և խմոր հունցել։
_Ստացած խմորը գրտնակել շերտով։
_250 գրամ փափկած կարագը խառնել երկու ճաշի գդալ ալյուրի հետ։
_Ստացված յուղային խառնուրդը քսել շերտի մեջտեղում և խմորը ծրարի տեսքով ծալել։
_Այնուհետև խմորը ծածկել խոհանոցային սրբիչով և դնել սառնարանում 20 րոպե։
_Կրկին գրտնակել սառեցված խմորը (բայց դա պետք է անել միայն մեկ ուղղությամբ) և նորից ծրարի նման ծալել, դնել սառնարանը 15 րոպեով։
_Այժմ պետք է խմորը գրտնակել մեկ սանտիմետր հաստությամբ, ուղղանկյուն կտորներով կտրատել ու յուրաքանչյուր կտորին մի քիչ շաքարավազ ցանել։
_Ջեռոցի տապակը ցողել ջրով և պատրաստի լեզվակները շարել վրան։
_Թխել 200 — 220 աստիճան տաքացրած ջեռոցում, մինչև կարմրեն։
Սեղանին մատուցել քաղցր, բուրավետ խմորեղենը՝ մի բաժակ անանուխով անուշաբույր թեյի կամ սուրճի հետ:
Բարի ախորժակ:
Տեսանյութ
Շերտավոր խմոր
