Ամենահեշտ եղանակով պատրաստենք շերտավոր խմոր առանց ձվի, որը կարելի է ընդհանրապես պատկերացնել: Ես միշտ պատրաստում էի դասական շերտավոր խմոր՝ օգտագործելով երկար գրտնակելու և ծալելու մեթոդը, բայց երբ այս եղանակը փորձեցի, մտածեցի, թե էլ ինչու պետք է չարչարվեմ։
Այս խմորից ստացված թխվածքները նույնպես պարզվում են փքուն, եթերային, թեթև և շատ համեղ։ Շատ հեշտ է պատրաստել, բոլորը կարող են դա անել:
Շերտավոր խմոր առանց ձվի. Անհրաժեշտ բաղադրիչները
_Ալյուր 650 գրամ
_Կարագ (կամ մարգարին) 360 գրամ
_Սառը ջուր 220 մլ
_Աղ 1 թեյի գդալ
_Քացախ 9% 1 թեյի գդալ
Շերտավոր խմոր առանց ձվի. Պատրաստման եղանակը
_Ալյուրը մաղել ամանի մեջ։ Վերցնել սառեցրած կարագը (կամ մարգարինը), ալյուրի մեջ թաթախել և քերել խոշոր քերիչով։
_Մի քիչ քերել, խառնել, մի կտոր նորից թաթախել և այդպես շարունակել մինչև կարագը վերջանա։
_Սառը ջրի մեջ (ավելի լավ է նախապես դնել սառնարանում), ավելացնել 1 թեյի գդալ աղ և 1 ճաշի գդալ քացախ, խառնել:
_Աստիճանաբար ջուրը լցնելով ալյուրի փշուրների վրա, հունցել խմորը։ Ամեն ինչ պետք է շատ արագ անել, որպեսզի կարագը շատ չհալվի։
_Խմորը ծալել ուղղանկյան ձևով և դնել սառնարանում 1 ժամ։
_Խմորը հանել սառնարանից և գրտնակել ուղղանկյունաձև, սեղանին թեթևակի ալյուր ցանելով։
_Ստացված ուղղանկյան շերտերը երկու կողմից վրա բերել, որ ստացվի 3 շերտ։
_Խմորը դնել տախտակի վրա, ծածկել թաղանթով և դնել սառնարանում 30 րոպե։
_Նշված ժամանակից հետո խմորը պատրաստ է օգտագործման։
Խմորը կարող եք կտրել երկու մասի, յուրաքանչյուր մասը դնել տոպրակի մեջ և պահել սառնարանում։
Բարի ախորժակ:
Տեսանյութ
Շերտավոր խմոր
